Рустам Ашурматов: "Ҳар қандай терма жамоа билан ўйнай оламиз"

"Кайфият аъло даражада, жамоадошларимни кўрганимдан сўнг янада кўтарилди. Жисмоний ҳолатимни зўр дея олмайман. Сабаби аввалги йиғиндан сўнг Тошкентда қолдим. "Бунёдкор", бир маротаба "Қўқон-1912" жамоаси машғулотида иштирок этдим. Айни пайтда ҳолатим яхши. Ўйинларга қадар янада яхшироқ ҳолатга кириб олишга ҳаракат қиламан. 

Корея чемпионатида жамоамнинг қайд этган натижасидан қониқдим дея оламан. Мавсумни олтинчи ўринда якунладик, аввал жамоамиз бу ўринга чиқмаган эди. Клубдаги футболчилар, мураббийлар ва раҳбарларнинг кайфияти аъло деган бўлардим. Кейинги мавсумга қадар янада яхшироқ тайёргарлик кўрамиз. 

Араб жамоалари билан ўйнаш ҳар доим қийин бўлган. Ҳар қандай терма жамоа билан ўйнай оламиз. Футболчилар ҳам бунга ишонади. Фақат ўз ўйинимизни кўрсатсак муаммо бўлмайди деб ўйлайман. Кореяда мавсум якунлангани сабабли йиғиндан сўнг Тошкентда қоламан. Бир муддат дам оламан ва клуб билан ҳозирликни давом эттираман. Клуб билан шартномам февраль ойида якунланади, шундан кейингина таклифларни кўриб чиқаман",- дейди Рустам Ашурматов.