UZ

Сўнгги янгиликлар

15:58Родриго "Реал"да қоладими?  0 15:28"Арсенал" "Байер" футболчисининг трансферини якунлади  1 14:57"Ал Иттиҳод" Педро учун 35 миллион евро таклиф қилди  3 14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  0 14:02Аргентина терма жамоасининг бўлажак ўйинлар учун таркиби маълум  1 13:33"Реал" афсонаси: "Олмаотага учиш Нью-Йоркка учишдек гап"  13 13:04"Фенербахче" Моуриньюни бош мураббий лавозимидан озод этди  11 12:52Туркманистон бош мураббийи Ровшан Мередов: "Бу савол менга эмас"  9 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  20 11:56Тимур Кападзе Паулу Бенту ҳақида фикр билдирди  32 11:44Карлуш Кейруш: "Бир неча йил аввал Ўзбекистон футболи "уйқу"да эди"  25 11:40Карлуш Кейруш Паулу Бенту ҳақида фикр билдирди  1 11:20Ўзбекистон МТЖ эртага янги формада ҳаракат қилади  13 10:53Довбик А Сериянинг бошқа жамоасига ўтишга яқин  5 10:28Хави Симонс фаолиятини АПЛда давом эттиради (Фабрицио Романо)  7

Рўзиқул Бердиев: "Персеполис" ҳозирги пайтда Эроннинг энг яхши жамоаси" Янгиликлар

Рўзиқул Бердиев: "Персеполис" ҳозирги пайтда Эроннинг энг яхши жамоаси"

“Насаф” – “Персеполис” жамоалари ўртасидаги бўладиган учрашув олдидан ўтказилган матбуот анжуманининг навбатдаги қисмида мезбонлар устози Рўзиқул Бердиев ҳамда ҳимоячи Игорь Голбанлар иштирок этишди.

Рўзиқул Бердиев: - Эртага бизни қийин ўйин кутиб турибди. Улар деярли мамлакат чемпионлигини ҳал қилиб бўлишди. Энди улар бор эътиборини ОЧЛга қаратган. Рақибимиз ҳозирги пайтдаги Эроннинг энг яхши жамоаси ҳисобланади. Шуни ҳисобга олиб, эртага бўладиган ўйинни биз учун мураккаб деб ҳисоблаган бўлардим. Шуларга қарамасдан биз жамоамизни имкон даражасида ўйинга яхши тайёрлашга ҳаракат қилдик. Биз учун эртага охирги имконият бўлади. Бизда озгина бўлсада рақибимизга нисбатан имконият бор, бундан фойдаланишимиз зарур.

Осиё чемпионлари лигасида очиқ футбол ўйнаш оғир оқибатга олиб келиш мумкин. Биз эртага ҳимояда ҳам тартибли ўйнашимиз керак. Биз бу ўйинда ғалаба учун ўйнашга мажбурмиз. Чераннинг эртага майдонга тушиш тушмаслиги бугун аниқ бўлади. Афсуски унинг ҳолатидан келиб чиқиб шуни айтиш мумкинки, у тўлиқ бизга ёрдам беришга тайёр эмас. Бизга у кейинги ўйинларга ҳам керак бўлади. Шунинг учун балки эртага таваккал қилмаслигимиз ҳам мумкин. Аммо қисқа бўлса ҳам  уни эртага майдонга тушириш ниятимиз бор. Эртага қайси футболчиларимиз тўлиқ тайёр бўлса, шу ўйинчиларимиз майдонга туширилади. Дониёр Нарзуллаев биз билан умумий гуруҳда бир ҳафта мобайнида шуғулланаяпти. Унинг аҳволи анча яхши, футболчимиз бизга ёрдам беришга тайёр.

Тўғри, баъзи ўйинчиларимизда жисмонан чарқоқ бўлаётгани ҳақида кўп гапирилаяпти. Аммо футболчи бунга қарамасдан, муҳим ўйинларга куч топа олиши керак. Масалан, Азизжон Ғаниев кетма-кет ўйинларда майдонга тушишига қарамасдан ўзида куч топа олаяпти ва борини бераяпти. Профессионал футболчи аслида шундай бўлиши керак.

“Персеполис” жамоасининг кейинги ўйинларини кўриб, ўрганиб чиқдик. Жамоа жисмонан ва тактик кучли ўйин кўрсата олади. Шунингдек ҳимояда деярли хато қилмайди. Биз эса эртага уларни хато қилишга мажбур қилишимиз талаб этилади. Такроран айтаман бизни эртага фақат ғалаба қониқтиради. Мухлисларимизга ҳам фурсатдан фойдаланиб мурожаат қилмоқчиман, эртага биз учун уларнинг далдаси ҳам ҳар қачонгидан зарур. Агар уларга ўйинимизга кўпроқ ташриф буюриб, бизни қўллаб-қувватлашса бу ҳам бизга қўшимча куч беради.



Игорь Голбан: - Биз эртага бўладиган ўйинда фақат уч очкони қўлга киритиш учун майдонга тушамиз. Гуруҳимиз турнир жадвалидаги ҳолатимиз шуни тақазо этади. Ҳатто бизни дуранг натижа ҳам қониқтирмайди. Шунинг учун эртага бўладиган ўйинда фақат ғалаба қозониш.

Рейтинг: +30   

Фикрлар

championat.asia
< сўнгги янгиликларни кўриш
Яндекс.Метрика