UZ

Сўнгги янгиликлар

14:46Қатар Россия билан ўйинда стадион иссиқ бўлмаслигига ишонтирди  2 14:15Инсайд тасдиқланди: Ўзбекистон МТЖ 2 карра жаҳон чемпиони билан ўйнайди   5 13:55Арманистон асосий стадиони майдонини Женнифер Лопес концертидан 1 ой ўтмай тиклашга эришди  10 13:36Германия терма жамоаси 2001 йилдан бери илк бор Жаҳон чемпионати саралашида гол уролмади  3 13:09Қирғизистон Ўзбекистон билан ўйин олдидан 2 та йўқотишга эга  10 12:41IShowSpeed Қозоғистонга келади  1 12:14"Барселона" келаси ёз учун иккита топ-трансферни режалаштирган  1 11:33Месси Жаҳон чемпионатида қатнашадими?   16 10:47Юлиан Нагельсман кечаги мағлубиятдан сўнг шогирдларини кескин танқид қилди  3 10:15МЮ Онанани ижарага бериши мумкин  3 09:40Бразилиялик бизнесмен бутун бойлигини Неймарга қолдирди  20 09:20Италия терма жамоасининг собиқ устози "Фенербахче"ни бошқаришга асосий номзод  4 09:00Месси ўйиндан олдин кўз ёшларини тўхтата олмади. Баҳс якунидан сўнг мухлислар билан хайрлашди  11 08:35ЖЧ-2026. Яна учта терма жамоа мундиал йўлланмасини қўлга киритди  10 08:06CAFA Nations Cup. Бугун Қирғиз Республикасига қарши майдонга тушамиз  12

Рўзиқул Бердиев: "Ўйлайманки, ҳаммаси ортда қолди" Янгиликлар

Рўзиқул Бердиев: "Ўйлайманки, ҳаммаси ортда қолди"

Суперлиганинг 17-туридан ўрин олган "Турон" - "Насаф" (0:2) учрашувидан сўнг меҳмонлар бош мураббийи Рўзиқул Бердиев фикрларини билдириб ўтди.





Ўйин ҳақида

"Авваламбор, Ассалому алайкум! Сизлар орқали мухлисларимизни табриклаймиз. Ўйин ажойиб муҳитда ўтди. Майдон ҳолати, об-ҳавонинг яхшилиги футбол ўйнаш учун қулай бўлди. Асосийси, ҳимояда бехато ҳаракат қилдик. Мазкур омил ғалабамизга замин яратди. Шунингдек, ҳужумда яратилган вазиятлардан унумли фойдаландик. Барча режаларимизни амалга ошира олдик. Мазмунли ва тартибли ўйнаб, ғалабага эришдик. Суперлигадаги ғалабамизни мухлислар узоқ кутиб қолишганди. Уч очко билан яна бир бор барчани табриклаймиз", – дейди Рўзиқул Бердиев.

- Ўйин давомида жамоангиз ҳақиқатдан ҳам тартибли ўйнади. Рақиб ҳужумга ўтган паллада тўпни кўпроқ ушлашга уринди. Бу олдиндан ўйланган режамиди?

- "Турон" жамоасининг сўнгги учрашувларини ўрганганимизда ўз майдонида жуда кескин ўйнаётганди. Кучли рақибларни мағлубиятга учратганди. Биз жадвалга қараганимиз йўқ. Тўп назорати орқали рақибнинг тажовузкор ўйнашига йўл қўймаслигимиз керак эди. Уларни тўпсиз ҳаракат қилишига мажбур қила олдик. "Турон" мухлислар ва биз кутган ўйинни кўрсатмади. 

- Жамоанинг натижаларида барқарорлик кўзга ташланмаяпти. Ўтган турда ўз майдонингизда "Навбаҳор"га мағлуб бўлиб, бугун сафарда "Турон"ни ютдинглар...

- Йўқотилган очкони Яйпанда қайтариб олдик. Албатта, ўзимиз ҳам бундан хавотирдамиз. Суперлигада жамоа бир текис ўйин кўрсатмади. Кучлироқ клублар билан ўйнадик. Лекин охирги ўйиндаги натижаларимиз бизни қониқтирмаётганди. Буни тузатишимиз керак. Турнир жадвалида 2-3-ўриндаги жамоалар узоқлашиб кетган. Биз имкон қадар совринли ўринлар учун курашишимиз керак. Жамоамиз бунга қодир. Футболчилар ўйнашни билади. Натижаларни яхшилаймиз, деган умиддаман. 

- "Навбаҳор" билан ўйинда жамоага мотивация етишмаганди. Бугунги  ўйинда бошқача иштиёқ билан ўйнашди. Бу нима билан боғлиқ?

- Фикрингиздан маълумки, ўша баҳсни тўлиқ кўргансиз. Агар кўрган бўлсангиз, ўйинда кўп вақт давомида устунлик қилдик. Қизил карточка режаларимизни бузди, бу рақибни мотивациясини оширди. Мотивация бугунгидек юқори бўлмаганди. Бунга сабаб аввалги учрашувлардир. Эътибор берган бўлсангиз, ўйиннинг бошида вазиятлардан фойдалана олмагандик. Омад биздан юз ўгирди. Қанчалик қийинчиликлар бўлишига қарамасдан, мотивация беришга ҳаракат қиляпмиз. Ўйлайманки, ҳаммаси ортда қолди. Бугунги ўйин кўрсатдики, жамоанинг руҳий ҳолати яхши. 

- Қўл остингиздаги таркиб ОФК кубогини ютишга қодирми?

- Биздан шуни кутишмоқда. Ғалаба қозонишга барча маҳорат ва билимимизни ишга соламиз. Рақибларни ҳам ҳурмат қилиш керак. Навбатдаги босқичдаги рақиблар жиддий. Ҳар бир давлатнинг энг яхши жамоалари бор.

Рейтинг: +18   

Фикрлар

championat.asia
< сўнгги янгиликларни кўриш
Яндекс.Метрика