Рўзиқул Бердиев: “Иккинчи таймда беш нафар ҳимоячи билан ҳаракат қилдик”
19 авг 2018 07:37
Янгиликлар

Рўзиқул Бердиев: “Иккинчи таймда беш нафар ҳимоячи билан ҳаракат қилдик”

“Пахтакор” – “Насаф” учрашувидан ўтказилган матбуот анжуманида меҳмонар устози Рўзиқул Бердиев иштирок этди.

- “Пахтакор” жамоаси бугун катта устунлик билан ғалаба қозонди, ўйлашимча рақибимиз бугун мавсумдаги энг яхши ўйинини ўтказди. Гувоҳи бўлдиларингиз, бугун жамоамизга нисбатан “Пахтакор” таркибида катта тажрибага эга футболчилар ҳаракат қилишди. Бу ўз самарасини кўрсатди.

Биз иккинчи бўлимда яхши ҳимояланишимиз керак эди, шундан келиб чиқиб беш нафар ҳимоячи билан ҳаракат қилдик. Аммо бундай ҳимоя билан стандарт вазиятларда ҳам эътиборли бўлишимиз керак эди. Афсуски, биз бугун айнан стандарт вазиятлардан гол ўтказиб юбордик. “Пахтакор” ҳам бу имкониятлардан унумли фойдалана олди. Албатта, бу уларга катта устунлик берди.