Рўзиқул Бердиев: "Ҳақли ғалабага эришдик"

Бугун ҳақли ғалабага эришдик деб ўйлайман. Шогирдларим рақибга ҳеч қандай имконият қолдиришмади. Футболчиларим ҳаракатидан қониқдим деб айта оламан. Ушбу ғалаба учун йигитларимизга миннатдорчилик билдираман. Жамоамиз бугун мазмунли ўйин кўрсатди.

Футболчилардаги кучли иштиёқ ва хоҳиш бугунги ғалабамизга замин яратиб берди.

Игорь Таранни енгил жароҳати борлиги сабаб, бугунги ўйинда иштирок эта олмади. Бизда кўплаб имкониятлар бўлди, лекин вазиятлардан фойдаланишга келганда, аниқлик етишмаяпти. Бу устида керакли ишларни амалга оширамиз.

"Локоматив"га қарши бўладиган ўйин ҳақида гапирадиган бўлсам, бугунгача фақат "Динамо" билан бўладиган ўйин ҳакида бош қотираётгандим. "Насаф" жамоаси ҳар қандай рақибни мағлуб эта олади. Биз ҳар бир ўйинда фақат ғалаба ҳақида ўйлаймиз. "Локомотив"нинг камчилиги шундаки, уларда футболчилар ва мураббий алмашган. Бундай вазиятларда жамоа ўз ўйинини топиб олиши учун вақт талаб этилади. Айни пайтда ҳеч бир жамоа идеал формада эмас. Бизни қўллаб-қувватлаган ишқибозларимизга ҳам ўз миннатдорчилигимни билдириб ўтаман.

Шаҳбоз Беғамов