Рўзиқул Бердиев: "Гадоев истаса бошқа жамоага кетаверсин"

"Бугун бизлар ғалаба учун курашдик. Футболчиларимиз курашишди, интилишди. Бу учун уларга раҳмат айтаман. Ўйин битта голга қадар давом этди. Улар гол киритгач учрашув тақдири ҳал этилди.

Артур Геворкяннинг ёмон ўйнагани сабаб унда кичик жароҳат бор эди. "Динамо"га қарши баҳсда жароҳат олиб майдонни тарк этганди. Шунга қарамай Геворкян бугун ўйнади ва жонбозлик кўрсатди. Геворкянга жасорати учун ҳам тасанно дейиш мумкин. Артур жамоамизнинг сўнгги машғулотларини ўтказиб юборганди. Фақатгина кеча ўйин олдидан жамоамиз билан бир гуруҳда шуғулланганди.

Шунингдек, асосий дарвозабонимиз Элдор Суюнов ҳам жароҳати боис жамоамизга кўмаклаша олмади. Бу нарса ҳам мағлубиятга ўз таъсирини ўтказди. Нўъмон Ҳасанов билан ўртамизда ҳеч қандай муаммо йўқ.

Гадоев? Биз сўнгги ўйинларда кўп маротаба Гадоевни алмаштирдик. Сабаби унинг ўйинидан қониқмаяпмиз. Агарда бирор мухлис унинг ўйинини мақтаса, демак у футболни яхши тушунмас экан. Балки уни бизга эътирози бордир, билмадим. Агарда Гадоевни жамоамизда нимадир қониқтирмаётган бўлса, биз бемалол унинг ўрнига бошқа футболчи излашимиз мумкин. Шоҳруҳ Гадоевнинг бошқа қарори бўлса биз унга қаршилик кўрсатмаймиз", - деди Рўзиқул Бердиев.