UZ

Сўнгги янгиликлар

01:22Каррагер "Ливерпул" трансферлари ҳақида: "Одатда бундай ишни "Реал" қиларди"  1 00:45Хулиан Альварес "Арсенал" билан ўйин олдидан: "Атлетико" исталган жамоани мағлуб эта олади"  0 00:15Ла Лига ўз футболчиларига таҳдид қилди  0 23:51Картабиа: "Ўтган йилдан фарқли равишда "Насаф" билан бошқа турнирда тўқнашамиз"  0 23:30ФОТОГАЛЕРЕЯ. Пролига. "Олимпик-MobiUz" – "Арал" 3:1  0 23:22ОФК Элит ЧЛ. "Тракторсози" меҳмонда 5 та гол урди, "Ал Иттиҳод" ҳам йирик ғалабани тантана қилди  0 22:48Рўзиқул Бердиев: "Эртанги ўйинга тўлиқ тайёрмиз"  7 22:32Паулу Соуза: "'Насафни яхши биламиз. Улар ҳозиргача кўпроқ очко тўплашга лойиқ эди"  0 22:19Аморим – сўнгги 5 мавсумда АПЛда "Ливерпуль" ва "Сити"ни меҳмонда мағлуб этган ягона мураббий  1 22:04Мундиалга тайёргарлик кўраётган Ўзбекистон U-17 Венесуэла билан дуранг ўйнади  1 21:46Неъматулла Қуттибоев: "Энди ҳар бир ўйин биз учун финалга тенг"  3 20:59Фарҳод Нишонов: "2:0дан сўнг йигитлар бироз бўшашишди"  0 20:36Суперлига. 26-тур учрашувларига ҳакамлар тайинланди  5 20:13Ҳарри Кейн орзусидаги жамоани тузди  17 20:04Рой Кин: "Агар "Манчестер Юнайтед" бугунгидек ўйнаса, Аморим яна 3 йил ишлайди"  0

Рўзиқул Бердиев: "Бизда ҳар йили иккита ёки учта Остон Ўруновга ўхшаган футболчилар чиқяпти" Янгиликлар

Рўзиқул Бердиев: "Бизда ҳар йили иккита ёки учта Остон Ўруновга ўхшаган футболчилар чиқяпти"

Coca Cola Суперлиганинг 9-туридан ўрин олган "Қўқон-1912" - "Насаф" (2:2) учрашувидан кейин меҳмонлар бош мураббийи Рўзиқул Бердиев ўз фикрларини билдирди.




"Ўйламанки, бугун ҳар икки жамоа ҳам ўз савиясига яраша ўйин намойиш этишди. Икки жамоа ҳам яхши ўйнади. Икки марта ҳисобда олдинда бориб, ғалабани қўлдан чиқариш аламли бўлди. Ўйин тенг курашлар остида ўтди.  Учрашув охирида мезбонлар ҳам ғалабани илиб кетишлари мумкин эди. Ғалабани ушлаб қола олмаганимиз биз учун муваффақиятсизлик бўлиши мумкин. Лекин, юқорида таъкидлаганимдек ўйинлар тенг курашлар остида ўтди. Бу йил Қўқонда жуда яхши жамоа шаклланган. Ўйинларини кузатганимизда шунга амин бўлдикки жамоа жанговор руҳда ўйин кўрсатмоқда.

 Айтишимиз керакки, ҳар икки голда ҳам дарвозабонларимиз хато қилишди.Биз бундай хатоларни кутмаган эдик.  Биринчи голдан кейин Машҳурни алмаштирдим. Лекин, уни ўрнига тушган Абдувоҳид ҳам тўпга отилишда хато қилди. 

Бугун бошланғич таркибда учта ўзгариш қилишимизнинг асосий сабаби айрим футболчиларимизнинг  жароҳати бор эди. Қолаверса, ёшларга имкон беришга ҳаракат қилпямиз. Алиқулов бироз бетоб эди, ўзини ёмон ҳис қилди. Раҳматуллаевни ўрнига эса Акмал Мозговойни туширдик, Акмал бугун ёмон ўйнамади ва учинчи ўзгариш Бобур Абдухолиқов билан боғлиқ. Бобур барча ўйинларда майдонга тушиб келмоқда ва унда чарчоқ аломатлари сезилмоқда, яна уни натижалари ҳам қониқарли эмас.  Оҳирги ўйинларда ёшларга ишонч билдиришда давом этяпмиз. Акмал "Металлург" билан ўйинда ғалаба тўпини киритди. 

Машғулотларни салқин пайтда ўтказиш мумкин. Лекин расмий ўйинларда бундай қилиб бўлмайди. Ёз ойида ўйнаш осон эмас. Иссиқда ўйнаш футболни темпини пасайтиради. Аммо бу вақтинчалик ҳолат деб ўйлайман. Ҳозир вазият шунақа. Қолаверса ўйинлар  мухлисларсиз  ҳам бўлмоқда. Аммо ўйинларнинг телевизор орқали жонли намойиш этилаётгани ҳам мухлисларга манзур бўлмоқда. Бугунги жанговар ўйиндан мухлислар завқ олишмоқда, деб ўйлайман. 

Ҳа, бизда ҳар йили иккита ёки учта Остонга ўхшаган футболчилар чиқяпти. Остон Россияда, Жасур Белорусь чемпионатида ўзини кўрсатмоқда. Азиз ҳам ҳали амирликларда ўзини кўрсата олади. Уни имкониятларини биламан. Ёшларга ишониш керак. Бўлмаса қолиб кетаверади. Масалан, кеча "Пахтакор" билан ўйинда АГМК сафида майдонга тушган ёш футболчи ёмон таассурот қолдирмади. Бундан қўрқиш керак эмас

Ёшларга кўпроқ имконият бериш керак, деб ҳисоблайман. Бу уларнинг ўзига бўлган ишончини ортиради. 

Марказлашган баҳслар ҳақида шуни айтишим лозимки, вазият оғирлашса, ўйинларни тўхтатиб туриш керак. Инсонларни соғлиғи биринчи ўринга чиқиши керак. Мен шунақа фикр билдирдим.  Лекин ўйинлар қандай регламентда бўлса шу ҳолатда давом эттириш тарафдориман. Марказлашган ҳолатда ўтказиш қайсидир жамоага қулай ёки ноқулай бўлиши мумкин",- дейди Рўзиқул Бердиев.

Рейтинг: +34   

Фикрлар

championat.asia
< сўнгги янгиликларни кўриш
Яндекс.Метрика