“Suriya bilan o'yinga tayyorgarlik yaxshi ketmoqda. Raqibni etarlicha o'rgandik, uchrashuvga tayyormiz. Ularning o'yinlarini ko'rib chiqdik, tahlil qildik”, - deydi Behruz Karimov.
- O'zbekiston Superligasi va Shveytsariya chempionati o'rtasida qanday farq ko'rdingiz?
- Futbol juda tezkor va jamoalar jismonan baquvvat. Bu erni Yevropa eshiklari ochilishi uchun tayyor reklama maydoni desam bo'ladi.
- Fabio Kannavaro doim intensivlik haqida gapiradi. Shveytsariyada bu borada vaziyat qanday?
- Shveytsariyada har 3-4 kunda o'yin bo'ladi, doimiy ravishda rotaciyalar amalga oshiriladi. Shu bois bu borada muammo yo'q.
- “Lugano” safidagi tajribali futbolchi bilan raqobatda asosiy tarkib uchun kurashda yutib chiqmoqdasiz...
- Raqobat - yaxshi narsa. Uni oldindan ham kuzatardim, hozir esa do'stmiz. Bir-birimizni tushunib o'ynamoqdamiz. Ikkimizda ham etarlicha imkoniyat bo'ladi.
- Eron bilan o'yindan so'ng qaysi xatolar ustida ishlandi?
- Hujumga o'tayotgan pallada biroz shoshilmoqdamiz. Suriya bilan o'yinda o'z o'yinimizni to'liq ko'rsata olamiz, deb o'ylayman.
- Terma jamoaga chaqirilgan yosh futbolchilardan kimlar siz kabi kashfiyot bo'lishi mumkin?
- Hammada imkoniyat bor. U-23 jamoamizdan ham ko'plab futbolchilar chaqirilgan.
