Роналду Европа суперклуби билан музокара олиб борди
15 ноя 2022 17:36
Янгиликлар

Роналду Европа суперклуби билан музокара олиб борди

Ҳужумчи Криштиану Роналду шов-шувларга сабаб бўлган интервьюдан сўнг "Манчестер Юнайтед"дан кетиш йўлларини қидирмоқда.

"Daily Mail" аблоидининг ёзишича, 37 ёшли голеадор Германия чемпионатига йўл олиши мумкин.

Криштиану ва унинг агенти Жорже Мендеш "Бавария"га ўтиш борасида дастлабки музокараларни олиб боришди. Немис гранди юлдуз фахрийга қизиқмоқда, чунки Эрик Максим Шупо-Мотинг мавсум давомида гол уришда давом этишига уларнинг ишончи комил эмас.

Куни кеча Роналду МЮ устози Эрик тен Ҳагни ҳурмат қилмаслиги, манкунианлар уни кетишга мажбул қилишаётганини айтганди.

КриРонинг клуб билан амалдаги шартномаси 2023 йилнинг ёзигача мўлжалланган.

Ҳавола :

Манба : Daily Mail

Янгиликларни Телеграмда ўқинг!

Рейтинг: +25