"Реал"да зиддият: Перес ва Алонсо ўртасидаги илк қарама-қаршиликлар юзага чиқди
17 июл 22:04
Янгиликлар

"Реал"да зиддият: Перес ва Алонсо ўртасидаги илк қарама-қаршиликлар юзага чиқди

Sport.es нашри хабар беришича, Мадриднинг "Реал" клубида президент Флорентино Перес ва жамоа бош мураббийи Хаби Алонсо ўртасида илк ихтилофлар кузатилмоқда

Жумладан, яқинда ўтказилган учрашувда "Реал" раҳбари клубнинг Клублар ўртасидаги Жаҳон чемпионатидаги чиқишидан норозилигини билдирган.

Бу орада 43 ёшли мутахассис жамоага кучли таянч ярим ҳимоячи кераклигини айтиб, раҳбариятдан бу позицияни кучайтириш учун маблағ ажратишларини сўраган. Аммо бу масалада ҳам тарафлар фикри зид чиқди. Агар Перес "Манчестер Сити" юлдузи Родри даражасидаги футболчи трансферида туриб олган бўлса (бундай йирик трансфер ҳозирча амалга ошиши қийин), Хаби Алонсо унга нисбатан реалроқ номзодларни — "Штутгарт"дан Ангело Штиллер, "Интер"дан Николо Барелла ва "АЗ Алкмар"дан Кес Смитни таклиф қилган. Аммо бу номзодларни турли сабабларга кўра айнан Перес маъқулламаган.

Эслатиб ўтамиз, Хаби Алонсо бошқарувидаги "Реал" Клублар ўртасидаги Жаҳон чемпионати ярим финалида ПСЖга йирик 0:4 ҳисобида мағлуб бўлди. Регламентга кўра, учинчи ўрин учун ўйин кўзда тутилмаган эди.

Ҳавола :

Манба : AS

Янгиликларни Телеграмда ўқинг!

Рейтинг: -5