“Реал” сўнгги 32 йил ичидаги энг яхши натижасини қайд этмоқда

“Реал” Ла Лиганинг 18 та ўйинида 12 та гол ўтказиб юборди, холос. Бу эса “Қироллик клуби”нинг сўнгги 32 йилликдаги энг яхши натижаси. 1987/88 йилги мавсумда ҳам шундай ҳолат кузатилганди. Ўшанда жамоанинг асосий посбони Франсиско Буйо бўлган. Айни дамдаги асосий посбон Куртуа эса Ла Лига доирасида жорий мавсум 15 та ўйин ўтказиб, уларнинг 8 тасида дарвозаси дахлсизлигини сақлаб қола олди.