Расмий хабар: Сергей Ковшов - "Шўртан" бош мураббийи

Унда ташкилий масала кўриб чиқилди. Ўз олдига жиддий мақсадларни қўйган “Оқ бўрилар” бошқарувига, жамоа бош ҳомийси - “Шўртаннефтгаз” МЧЖ раҳбарияти, клуб президенти Шокир Давлатович Жабборов қарорига кўра, тажрибали мутахассис С.Ковшов расман тайинлади.

Ўз даврида мамлакатимизнинг байроқдор жамоаси - “Пахтакор” таркибида тўп сурган, катта тажрибага эга Сергей Геннадьевич, тақдир таққазоси билан “Шўртан” мураббийлигини иккинчи бор қўлга олмоқда. Ғузорлик ва умуман олганда, мамлакатимизнинг кўп минг сонли мухлислари Сергей Ковшов 2007-2008 йиллар оралиғида “Оқ бўрилар” жамоасини муваффақиятли бошқарганлигини яхши билишади. Маҳаллий мухлислар ҳурмати, эътибори ва меҳрини қозонган, улар назарида яхши мутахассис ҳамда инсон сифатида гавдаланиб қолган янги мураббий Ғузорда жуда катта хурсандчилик билан кутиб олинди.

Хуллас, шу бугундан эътиборан Сергей Геннадьевичга мураббийлар гуруҳида Акмал Саитқулов ҳамда Эркин Мирзаевлар ёрдам беришади.