Расмий хабар: Моратти "Интер"ни тарк этди

69 ёшли магнат клуб президентлигини индонезиялик бизнесмен Эрик Тохирга топширганидан сўнг фахрий президент бўлганди.

Бироқ бир йилдан сўнг Моратти "нерадзуррилар" билан бутунлай хайрлашишга қарор қилди. Собиқ президентнинг холдинги клубнинг 29,5% акциясига эга.

Моратти 1995-2013-йилларда клубни бошқарди. Бу давр мобайнида "Интер" беш марта Италия чемпиони бўлди, тўрт мартадан Италия кубоги ва Суперкубогини ютди. Бундан ташқари клуб бир мартадан Чемпионлар лигаси, клублар ўртасидаги Жаҳон чемпионати ва УЕФА кубогини қўлга киритган.