Рангник: “Биринчиси – жаноб Хайд, 2-си эса доктор Жекил”

“Биринчи таймда жаноб Хайдни, иккинчисида эса доктор Жекилни кўрдик ва якунда натижа бошқача бўлди. Яхши формада бўлган жамоага қарши ўйинда уч очкони қўлга киритиш муҳим эди.

“Брайтон”нинг ўйини тўпга назорат қилиш ва тўлиқ ишончга асосланган, иккинчи бўлимда кўпроқ таваккал қилишимиз керак эди ва бу самарасини берди. Гол урдик, Данкни қизил карточка олишга мажбур қилдик.

75-дақиқадан кейин ҳисоб 3:0 ёки 4:0 кўринишида бўлиши керак эди, аммо рақиб дарвозаси олдида бизга ишонч етишмади.

Уч дурангдан кейин муҳим ғалаба. Олдинда бизни “Лидс”га қарши яна бир шиддатли учрашув кутмоқда. 95 дақиқа давоми этадиган юқори тезликдаги футболга тайёр туришимиз керак бўлади.

Роналдунинг нафақат тўп киритгани, балки голни қойилмақом тарзда ургани жуда ҳам муҳим. Унинг бугунги ўйини бошқарувимдаги энг яхшиларидан бири”, дейди Рангник.