Қозоғистон Республикаси Президенти кубогида мезбонлардан шармандали ғалаба

Аввалига ҳисобни меҳмонлар очди, Рамз Амрахоновнинг голига Самат Бортай жавоб қайтарди. Ҳисоб 1:1. Ўйин дуранг билан якунланиши мумкин эди. Ҳакам 5 дақиқа қўшиб берди. Мезбонлар рақиб жарима майдончаси ичига тўпни узатиб берди, ҳимоячи тўпни қайтарди, иккинчи қаватдаги курашда мағлуб бўлган мезбонлар футболчиси майдонга йиқилди, бу ерда пенальтини ҳеч ким кутмаган эди, аммо ушбу воқеа юз берди ва Ерхан Таласбаев ғалаба тўпини киритди.

Ўйин якунланиши билан Тожикистон терма жамоаси футболчилари ҳакамга ташланишди, қолган кўпчилик йигитлар йиғлашди, бугун ҳакам мезбонларга ён босди. Қозоғистон футбол федерацияси президенти Ерлан Кожагапанов ўсиб келаётган футболчиларга ҳар қандай услуб билан ғалаба қозонишни ўргатяптими ёки қолганларнинг фикрига тупуриб, ўз иш жойини сақлаб қолмоқчими?

Бу ғалаба туфайли Қозоғистон бронза учун Грузия U17 билан курашади, дуранг бўлганида медаллар учун тожикистонлик йигитлар майдонга тушар эди. Эслатиб ўтамиз, ҚР Президенти Кубогининг биринчи учрашувида мезбонлар Қирғизистон U-16дан биринчи голни ўтказиб юборгандан сўнг, олмаоталик ҳакам Рустем Омаров рақиб футболчисини майдонда четлатди ва бу туфайли қирғизлар ўйиннинг катта қисмини камчиликда ўйнаб, 3та гол ўтказиб юборди.

Қозоғистон U-17 — Тожикистон U-16 2:1 (0:1)

Голлар:: Амрохонов 25 (0:1), Бортай 43 (1:1), Таласбаев пенальтидан 80+5 (2:1). (Ушбу ёш тофиасида ўйинлар 80 дақиқа давом этади)