"Қизилқум": Фарруҳ Ҳайдаровга бахт тилаймиз!
08 окт 2015 07:44
Янгиликлар

"Қизилқум": Фарруҳ Ҳайдаровга бахт тилаймиз!

6 октябрь куни “Қизилқум” жамоаси истеъдодли ярим ҳимоячиси Фарруҳ Ҳайдаров ҳамда унинг барча яқинлари учун унутилмас дамларни ҳадя этди.

Зарафшон шаҳридаги “Карвон” тўйхонасида Фарруҳжон ҳамда Рухшонахонларнинг никоҳ тўйи тантаналари бўлиб ўтди. Висол оқшомида келин-куёвларнинг ота-оналари, оилавий яқинлари, барча дўст-биродарлари, шунингдек, “Қизилқум” жамоаси аъзолари ҳам Ҳайдаровлар хонадони қувончига шерик бўлдилар.

Фурсатдан фойдаланиб, Фарруҳжон ва Рухшонахонларни бахт шодиёналари билан самимий муборакбод этамиз. “Қизилқум” ПФКнинг барча аъзолари ҳамда кўпсонли мухлисларимиз номидан ҳар икки ёшга тўкин-тўкис ҳаёт, фаровон турмуш ва омадлар тилаймиз.

Илоҳим, бахт ўпсин пешонангиздан,

Омад кулиб турсин остонангиздан,

Қалбингизни шодлик айласин обод,

Дўстлар аримасин кошонангиздан!!!

“Қизилқум” ПФК Матбуот хизмати.

Ҳавола :

Манба : fcqizilqum.uz

Янгиликларни Телеграмда ўқинг!

Рейтинг: