Қирғизистон футбол Федерацияси раҳбари ногирон боланинг уйига борди ФОТО

Танишинг Давранов Азис. Беш йил олдин йўл транспорт ҳодисаси вақтида битта оёғидан айрилган. Микроавтобуснинг тормози ишламай қолган ва у автобус бекатида турган одамларга бориб урилган. 

Ҳозир Азис 12 ёшда ва олтинчи синфда ўқимоқда. У футболни севади, уни энг зўр спорт тури деб ҳисоблайди. 

Бугун Даврановлар уйига Қирғизистон Футбол Федерацияси Президенти Семетей Султанов ва терма жамоа аъзоси Антон Землянухин меҳмон бўлиб келишди. Меҳмонларни Азис ва унинг акаси Эльдияр кутиб олишди. Унинг онаси Венера Давранова Азиретни қучоқлаганича барчани уйга таклиф қилди. Она барча нарса етарли эканлигини айтди. Унга Азис ҳам қўшилди: «Бизда барчаси жойида!». Азис мактаби ва ўқиши ҳақида, севимли фанлари ҳамда футболни қанчалик севишини айтиб берди. Семетей Алимбаевич Азисга терма жамоа футболкасини совға қилди, уни терма жамоа футболчилари билан танишиш учун машғулотларга ва ўйинларга таклиф қилди. Антон эса Азисга эскириб қолган тўплар ўрнига янгиларини совға қилди. Азис ва Антон биргаликда кўчада янги совғани синовдан ўтказиб олишди.

Қани энди барчамиз мана шу болакай каби оптимист бўлсак эди.