"Қайрат" муддатидан олдин Қозоғистон чемпионига айланди
03 ноя 2020 18:30
Янгиликлар

"Қайрат" муддатидан олдин Қозоғистон чемпионига айланди

Теглар : Қайрат Қозоғистон Премьер-лигаси

Олмаота клуби 16 йилда илк бор ушбу совринни қўлга киритди.

Бугун ҚПЛ (Қозоғистон Премьер-лигаси) 17-тури доирасида "Қайрат" "Ордабаси"ни қабул қилди ва ўйин мезбонларнинг 3:1 ҳисобидаги ғалабаси билан якунланди.

"Қайрат" навбатдаги очколарни қўлга киритган ҳолда "Астана" билан орадаги фарқни 17 очкогача оширди. "Сариқ-кўклар" энди мавсум якунига қадар ушбу фарқни йўққа чиқара олишмайди. Шундай экан "Қайрат" муддатидан олдин Қозоғистон чемпионига айланди.

Ушбу соврин Олмаота клуби учун 16 йил ичидаги биринчиси. "Сариқ-қоралар" сўнгги бор 2004 йилда мамлакат ғолиблигини қўлга киритишган.

Ҳавола :

Манба : championat.asia

Янгиликларни Телеграмда ўқинг!

Рейтинг: +7