Пул тугадими? Саудия Арабистонининг ТОП клублари трансфери учун чеклов қўйилди
07 янв 09:22
Янгиликлар

Пул тугадими? Саудия Арабистонининг ТОП клублари трансфери учун чеклов қўйилди

Саудия Арабистони суверен жамғармаси (PIF) мамлакатнинг тўртта етакчи клуби (“Ал Ҳилол”, “Ал Насср”, “Ал Иттиҳод” ва “Ал Аҳли”)га қишки трансферлари учун чеклов ўрнатди.

Жамоалар PIF'нинг кўмагисиз йирик трансферлар амалга ошира олмайди. Ҳар бир клуб январь ойида ўз таркибини кучайтириш бўйича иш олиб боради, аммо ҳар қандай харид бир қатор қатъий талабларга жавоб бериши керак. Айни дамда клублар ўзларича давлат маблағисиз юқори савиядаги футболчиларни таклиф қилиш ҳуқуқига эга эмаслар.

Шу тариқа, Саудия клублари 2023 йилнинг ёзида бўлгани каби қишда ҳам даҳшатли харидлар амалга ошириш имконини йўқотди

Эслатиб ўтамиз, ўтган ёзда Саудия Арабистони жамоалари трансферлар учун 875 миллион доллар сарфлашган.

Ҳавола :

Манба : AS

Янгиликларни Телеграмда ўқинг!

Рейтинг: +9