ПСЖ Погба билан шартнома имзоламайди. Сабаби маълум
31 май 2022 22:25
Янгиликлар

ПСЖ Погба билан шартнома имзоламайди. Сабаби маълум

Спорт директори клубни тарк этгач, парижликларнинг режалари ўзгарди.

L’Équipe хабарига кўра, ПСЖ шу ёзда "Манчестер Юнайтед"дан эркин агент сифатида кетадиган франциялик ярим ҳимоячи Поль Погбани сотиб олиш фикридан қайтган, чунки футболчини олиб келишни истаган спорт директори Леонардо клубни тарк этган. Поль билан келишув тузиш тез орада ПСЖнинг янги спорт директори бўладиган Луиш Кампушнинг режаларида йўқ.

Франциялик ярим ҳимоячи катта эҳимол билан "Ювентус"га ўтади. Унинг янги агенти Рафаэла Пимента аллақачон “Ювентус” раҳбарияти билан учрашган. Ҳар икки томон ҳамкорликдан манфаатдор эканлигини билдирган, бироқ музокаралар ҳали илғор босқичга чиқмаган.

Поль Погба якунига етган мавсумда "Манчестер Юнайтед" сафида 27 та ўйинда майдонга тушиб, 1 та гол урди ва 9 та голга ассистентлик қилди.

Ҳавола :

Манба : L’Équipe

Янгиликларни Телеграмда ўқинг!

Рейтинг: +2