ПРО-Лига, “Б” гуруҳи. 8-турда энг кўп мухлис Зоминда

ПРО-Лиганинг “Б” гуруҳида ҳам 4та ўйин бўлиб ўтди. Ундаги жами мухлислар сони 2283 (!)тани ташкил этди. Бу ҳар бир учрашувга ўртача 570та ишқибоз демакдир. Албатта бу жуда ҳам оз кўрсаткич ҳисобланади. “Б” гуруҳидаги ўйинларга томошабинлар ташрифи ўзи у қадар кўп бўлмаётганини айтиш лозим.

8-турда энг кўп мухлис Зоминда кузатилди. 8та гол киритилган учрашувни 1290 нафар ишқибоз кузатиб борган. Эътиборлиси ушбу рақамлар энг юқори кўрсаткич бўлди.

Аксинча энг кам томошабин кирган ўйин – “Ғиждувон” – “Ёзёвон” баҳси бўлди. “Наврўз” стадионида кечган баҳсга атига 267та ишқибоз ташриф буюрган. Гарчи “Ғиждувон” жамоаси ўз гуруҳида пешқадамлик қилаётган бўлсада, ҳалигача мухлисларни стадионга қайтара олмаётганини кўриш мумкин.  

Томошабинлар ташрифи кимда қандай?

“НУРАФШОН” – “ЛОКОМОТИВ-БФК” - 5:0 (1:0).
Тошкент вилояти. “Дўстлик” стадиони. 345 томошабин.

“ЗОМИН” – “ХОТИРА-79”  - 8:0  (3:0).
Зомин шаҳри. “Марказий” стадиони. 1290 томошабин.

“ҒИЖДУВОН” – “ЁЗЁВОН” - 3:0 (2:0).
Ғиждувон шаҳри. “Наврўз” стадиони. 267 томошабин.

“ШЕРДОР” – “ЛАБСА” - 1:3 (0:2).
Самарқанд шаҳри. “Динамо” стадиони. 381 томошабин.