ПРЕВЬЮ. "Олмалиқ" - "Бунёдкор"

«Олмалиқ» (Олмалиқ) – «Бунёдкор» (Тошкент)
15 август. Олмалиқ. “Олмалиқ” стадиони. 19:00
Ҳакамлар: Р.Эрматов, А.Расулов, Ж.Саидов, О.Тўйчибоев.
Назоратчи: Б.Галеев.

Бу икки клуб олий лигада 13 бора тўқнаш келган. Ушбу ўйинлардан 9 тасида “қалдирғочлар” ғолиб бўлишган. 2 ўйин дуранг ҳисобида якунланган. “Олмалиқ” шу кунгача “Бунёдкор”ни 2 бор мағлуб этган.

“Бунёдкор” ҳозирга қадар ўзаро ўйинларда “Олмалиқ” дарвозасига 27 та гол киритган. “Олмалиқ” эса 13 бора “Бунёдкор” посбонини ранжитган. “Бунёдкор” шу кунгача ўзаро ўйинларда 29 очкони, “Олмалиқ” эса 8 очкони қўлга киритган. “Бунёдкор”нинг олий лигада “Олмалиқ” устидан эришган энг йирик ғалабаси 4:1 ни ташкил қилади. “Олмалиқ” энг йирик муваффақияти эса – 3:1.

Биринчи даврада Тошкентда кечган ўйинда дуранг қайд этилганди. Меҳмонлар вакили Александр Алемпиевич томонидан урилган голга “қалдирғочлар” ярим ҳимоячиси Олег Зотеев жавоб берганди – 1:1.

Олмалиқда ўтган барча учрашувлар:
14.04.2013 «Олмалиқ» - «Бунёдкор» 3:1
13.09.2012 «Олмалиқ» - «Бунёдкор» 2:1
27.09.2011 «Олмалиқ» - «Бунёдкор» 1:3
29.05.2010 «Олмалиқ» - «Бунёдкор» 1:3
04.10.2009 «Олмалиқ» - «Бунёдкор» 2:2
27.04.2008 «Олмалиқ» - «Бунёдкор» 0:1

Ўзаро ўйинлар ҳақида факт : “Олмалиқ” ўз майдонида бу рақибга уч бор ютқазган. Бир бор дуранг ўйнаган ва икки бор ғалабага эришган. Охирги икки йилда “Олмалиқ” ушбу рақибни икки марта мағлуб этди.