Превью. "Навбаҳор" - "Локомотив"

«НАВБАҲОР» – «ЛОКОМОТИВ»
15 март. Косонсой. “Косонсой” стадиони. 15:30
Ҳакамлар: Ҳ.Рўзиев, А.Усмонов, Т.Гайнуллин, Р.Толибжонов.
Назоратчи: А.Попов.

“Навбаҳор” ҳамда “Локомотив” олий лигада жами 18 бора тўқнаш келишган. Натижалар тенг. Иккала жамоа 7тадан ўйинда ғолиб чиққан, 4та баҳс дуранг натижаси қайд этилган. Тўплар нисбати “Навбаҳор” фойдасига 29:24ни ташкил қилмоқда. Ўзаро ўйинларда жамоалар 25тадан очкони киритишган.

“Навбаҳор”нинг “Локомотив” устидан қозонган йирик ғалабаси – 6:2. “Темирйўлчилар”нинг ўзаро ўйинларда наманганликлар устидан қозонган энг йирик ғалабаси 3:0.

2013 йилги мавсумда “Навбаҳор” майдонида бўлиб ўтган ўйинда 1:1 ҳисоби қайд этилган. Собир Ҳамидов ҳисобни очган, Акмал Холматов учрашув сўнггида жавоб тўпини киритганди. 25-турда Тошкентда кечган баҳсда “темирйўлчилар” Ислом Тўхтахўжаевнинг дубли ва Акмал Холматовнинг голи эвазига йирик ғалабага эришганди – 3:0.
 
“Навбаҳор” майдонида ўтган сўнгги беш учрашув:
03.04.2013 «Навбаҳор» - «Локомотив» 1:1
07.04.2012 «Навбаҳор» - «Локомотив» 0:2
25.09.2010 «Навбаҳор» - «Локомотив» 2:0
25.04.2009 «Навбаҳор» - «Локомотив» 2:0
25.06.2008 «Навбаҳор» - «Локомотив» 3:1

Ўзаро ўйинлар ҳақида факт: “Навбаҳор” ўз майдонида бўлиб ўтган 9та ўйиннинг 6тасида ғолиб чиққан. Икки марта ғолиб аниқланмаган бўлса, “Локомотив” сафарда фақат бир бор муваффақият қозонган. 2012 йилги мавсумда “темирйўлчилар” водийдан 2:0 ҳисобидаги ғалаба билан қайтишган. Охирги икки йилда “Навбаҳор” уйида бу рақибни енга олмаган.

Тахмин: Учрашув "Локомотив"нинг кичик ҳисобдаги ғалабаси билан тугаса керак. Сизнинг фикрингиз қандай?


Нарзулла Сайдуллаев.