Превью. "Навбаҳор" - "Андижон"

«Навбаҳор» (Наманган) – «Андижон» (Андижон)
1 июль 2016. Наманган. "Марказий" стадиони. 19:00
Ҳакамлар: З. Қодиров (Навоий), А. Сидоров (Тошкент), Д. Сайлалов (Тошкент), Р. Копадзе (Фарғона)
Назоратчи: Р. Айтеков (Тошкент).

Водийнинг бу икки клуби ўзаро 44 бор куч синашишган. Натижалар “Навбаҳор”нинг устунлигини кўрсатмоқда. “Лочинлар” 23 ўйинда ғалаба қозонишган, 12 учрашув дуранг билан якунланган. “Андижон” ҳисобида 9та ғалаба бор. Тўп киритиш борасида ҳам устунлик “Навбаҳор” томонида – 69:45. Ўзаро ўйнларда “Навбаҳор” 81, “Андижон” эса 39 очколик бўлган.

“Навбаҳор”нинг “бургутлар” устидан қозонган энг йирик ғалабаси – 5:0. “Андижон”нинг энг йирик ғалабаси эса – 5:1 бўлиб турибди.

2015 йил дастлабки даврада Андижонда ўтган учрашувда томошабинлар 5та голнинг гувоҳи бўлишган эди. Мезбонлар сафида Иброҳим Отахонов ва Предраг Вуйович (2та) гол уришган, меҳмонлардан Мўйдин Мамазулумов ва Шахбоз Эркинов тўп киритишганди - 3:2. Наманганда эса Азим Аҳмедовнинг голи “лочинлар”га ғалаба келтирганди – 1:0.

«Навбаҳор» уйида ўтган сўнгги беш учрашув:
01.10.2015 «Навбаҳор» – «Андижон» 1:0
16.05.2014 «Навбаҳор» – «Андижон» 3:0
25.06.2012 «Навбаҳор» – «Андижон» 1:0
09.04.2011 «Навбаҳор» – «Андижон» 1:1
05.06.2010 «Навбаҳор» – «Андижон» 2:0

Ўзаро ўйинлар ҳақида факт:  “Андижон” ўз тарихида бугунга қадар сафарда “Навбаҳор”ни умуман мағлуб эта олмаган! 17 марта "лочинлар" ўз майдонларида зафар қучишган. Яна 5та учрашув дуранг билан тугаган. Сўнгги 3та учрашувда “Навбаҳор” ўз уйида бу жамоадан гол ўтказмаган.