Превью. "Насаф" - "Пахтакор"

«Насаф» (Қарши) – «Пахтакор» (Тошкент)
4 ноябрь 2015. Қарши. "Марказий" стадиони. 14:00
Ҳакамлар: Р. Эрматов (Тошкент), А. Расулов (Тошкент), Ж. Саидов (Тошкент), И. Гармашов (Тошкент)
Назоратчи: Б. Галеев (Урганч).

“Насаф” ҳамда “Пахтакор” олий лигада 37 бора тўқнаш келишган. Шулардан 21тасида “шерлар” ғолиб бўлишган, 9та ўйинда ғолиб аниқланмаган. “Насаф” ҳозирга қадар “Пахтакор”ни 7 марта мағлуб этган. Тўплар нисбати “Пахтакор” фойдасига 54:28 ни ташкил қилмоқда. Ўзаро ўинларда “Пахтакор” 72 очкони, “Насаф” эса 30 очкони қўлга киритган.

“Пахтакор”нинг “Насаф” устидан қозонган йирик ғалабаси – 4:0га тенг. “Аждарлар”нинг ушбу рақиб устидан қозонган энг йирик ғалабаси ҳам 4:0 бўлиб турибди.

Биринчи даврада Тошкентда ўтган баҳсда Аднан Ораховац ва Игорь Сергеев (иккита) томонидан урилган голлар “шерлар”га ғалаба келтирган. Илҳом Шомуродовнинг жавоб голи фақат ҳисобни қисқартирган холос – 3:1.

Қаршида бўлиб ўтган сўнгги беш учрашув:
01.06.2014 «Насаф» - «Пахтакор» 1:1
20.09.2013 «Насаф» - «Пахтакор» 1:1
19.10.2012 «Насаф» - «Пахтакор» 0:2
09.11.2011 «Насаф» - «Пахтакор» 1:1
05.06.2010 «Насаф» - «Пахтакор» 1:1

Ўзаро ўйинлар ҳақида факт: Қаршида бу жамоалар ўртасидаги ўйинларнинг 6тасида “Насаф” зафар қучган. Еттита учрашувда дуранг қайд этилган. “Пахтакор” ушбу рақиб майдонидаги учрашувларда 5 марта ғалабага эришган. “Насаф” ўз майдонидаги охирги 8та ўйинда "шерлар"ни мағлуб эта олмаган.