Превью. "Машъал" - "Насаф"

«Машъал» (Муборак) – «Насаф» (Қарши)
1 июль 2016. Муборак. Баҳром Вафоев номидаги стадион. 19:00
Ҳакамлар: Р. Бобомуродов (Навоий), А. Цапенко (Тошкент вил.), А. Снетков (Тошкент вил.), Б. Юльчараев (Гулистон)
Назоратчи: Б. Галеев (Урганч).

“Машъал” ва “Насаф” олий лигада жами 26 бора тўқнаш келишган. Шулардан 13тасида қаршиликлар ғолиб бўлишган, 6та  ўйинда дуранг қайд этилган. “Машъал” ҳозирга қадар ўзаро ўйинларда “аждарлар”ни 7 марта мағлуб эта олган. Тўплар нисбати “Насаф” фойдасига 43:26 ни ташкил қилмоқда. Ўзаро ўинларда “Насаф” 45 очкони, “Машъал” эса 27 очкони қўлга киритган.

“Насаф”нинг ўзаро ўйинларда қозонган энг йирик ғалабаси – 3:0 га тенг бўлса, муборакликларда бу кўрсаткич 4:1 бўлиб турибди.

Ўтган йил дастлабки даврада “Насаф” Акром Баҳриддинов, Баҳром Абдураҳимов ва Илҳом Шомуродов томонидан урилган голлар эвазига 3:0 ҳисобида зафар қучганди. Муборакдаги баҳс тақдирини ягона гол ҳал қилганди. Шаҳзод Шайманов “Машъал”га ғалаба келтирган эди – 1:0.

Муборакда ўтган сўнгги беш учрашув:
20.11.2015 «Машъал» - «Насаф» 1:0
02.11.2014 «Машъал» - «Насаф» 1:1
26.04.2012 «Машъал» - «Насаф» 0:0
08.09.2011 «Машъал» - «Насаф» 1:1
21.08.2010 «Машъал» - «Насаф» 1:0

Ўзаро ўйинлар ҳақида факт: Бу жамоаларнинг Муборакда ўтган ўйинларида беш марта “Машъал” ғалаба қозонган. Икки ўйинда “аждарлар” сафарда уч очкога эга бўлишган. “Машъал” майдонида олти марта дуранг қайд этилган.  “Насаф” Муборакда охирги 9та ўйиннинг ҳеч бирида ғалаба қозона олмаган.