Превью. "Локомотив" - "Машъал"

«Локомотив» (Тошкент) – «Машъал» (Муборак)
4 ноябрь 2015. Тошкент. "Локомотив" стадиони. 14:00
Ҳакамлар: Ш. Қосимов (Тошкент), Д. Сайлалов (Тошкент), А. Сидоров (Тошкент), Р. Лутфулин (Тошкент)
Назоратчи: С. Нажафалиев (Тошкент).

“Машъал“ ва “Локомотив“ олий лигада жами 19 маротаба куч синашишган. Натижалар тенгликни кўрсатмоқда. “Машъал” 19 баҳснинг 9тасида ғалаба қозонган. Битта учрашувда томонлар муроса кўчасини танлашган ва 9та ўйинда “Локомотив”нинг қўли баланд келган. Тўплар нисбати “Машъал” фойдасига 25:23. Ўзаро ўйинларда “Машъал” ҳам, “Локомотив” ҳам 28 очколик бўлган.

“Локомотив”нинг “Машъал” устидан қозонган энг йирик ғалабаси – 3:1. Ўз навбатида “Машъал”нинг  “темирйўлчилар” устидан қозонган энг йирик ғалабаси – 4:1 ни ташкил этади.

Дастлабки даврада “Локомотив” сафардан ғалаба билан қайтган. Санжар Шоаҳмедов, Темурхўжа Абдухолиқов ва кичик Жасур Ҳасановнинг голларига мезбонлар сафида Ҳумоюн Муртазоев жавоб берганди – 1:3.

Тошкентда ўтган сўнгги беш учрашув:
01.10.2014 «Локомотив» - «Машъал» 3:1
15.06.2012 «Локомотив» - «Машъал» 1:0
26.08.2010 «Локомотив» - «Машъал» 0:2
18.04.2009 «Локомотив» - «Машъал» 1:0
21.09.2008 «Локомотив» - «Машъал» 1:2

Ўзаро ўйинлар ҳақида факт: “Локомотив” ўз уйида “Машъал”га қарши кечган 9та ўйиндан бештасида ғолиб бўлган. Учта ўйинда муборакликлар зафар қучишган. Бир бор дуранг қайд этилган. “Темирйўлчлар” охирги икки уй ўйинида икки бор ғолиб бўлишган.