Пол Инс: "Пул футболни ўзгартириб юборди"

"Масалан, Криштиану Роналду каби футболчилар ҳақида гап кетганда, тушунса бўларди. У фаолиятини якунлашга яқин, катта маош эвазига Саудия Арабистони чемпионати статусини кўтаради. Буни тушунаман.

Бироқ гап фаолиятининг энг чўққисига чиқаётган Рубен Невеш ҳақида кетса, бунга ачинарли ҳолат сифатида қарайман. Футбол ўзгармоқда, буни пуллар ўзгартирмоқда. Мен ўз вақтида совринлар ютишни, Англия Кубоги финалида ўйнашни, ЕЧЛ мадҳияси садолари остида майдонга тушишни истаганман.

Бу 6-7 йил олдин Хитой билан бўлган ҳолатни эслатади. Оскар ўша ерга кетганидан кейин Халк ҳам пулларни хоҳлаб Хитой жамоасига ўтганди. Ҳозир эса Хитойда ҳеч ким қолмади. Аммо Саудия Арабистони билан шундай ҳолат бўлиши мумкинми? Менимча йўқ. Уларда пуллар жуда кўп.

Уларни кузатиб боришга мажбур бўлиб қолдик. Премьер-лига - дунёнинг энг йирик бренди. Биз бошқалар шунчаки осонлик билан футболчиларнинг сотиб юборилишига қаршилик қилишимиз керак. Чунки спорт доимо мақсадли бўлиб келган", - деди Инс.