Пирло "А" Серияда ўтган мавсумнинг энг яхши ўйинчиси бўлди

Ғолиб Италия чемпионати ўйинчилари орасида уюштирилган сўров натижасида аниқланган. Пирло бу номга иккинчи маротаба кетма-кет лойиқ деб топилган.

Чемпионатнинг рамзий термасига қуйидаги футболчилар кирган: Самир Ханданович ("Интер"), ҳимоячи Кристиан Мажо ("Наполи"), Андреа Барцальи, Жоржо Кьеллини (иккаласи ҳам - "Ювентус") ва Маттия Де Шильо ("Милан"), ярим ҳимоячилар Артуро Видаль, Андреа Пирло (иккаласи ҳам - "Ювентус") ва Борха Валеро ("Фиорентина"), ҳужумчилар Эдинсон Кавани ("Наполи"/"ПСЖ"), Антонио Ди Натале ("Удинезе") ва Марио Балотелли ("Милан").