Пеллегрини: "Стерлинг ва Де Брюйне ўз ўйини билан "Сити" футболчиси бўлишга муносиблигини исботлади"

"Биз жуда яхши ўйнадик, айниқса биринчи бўлимда. Иккинчи бўлимда тезликни пасайтирдик, аммо жамоадан хурсандман, чунки биз икки мағлубиятдан сўнг ғалаба қозондик. Кубок лигасида курашни давом эттиришни истаймиз. Бугун биз тўртта чиройли гол урдик.

Икки йил олдин Кубокда ғалаба қозонганмиз, шу сабабли курашни давом эттирамиз. Ҳозир баъзи футболчиларимиз жароҳатланган, шу сабабли кичик муаммолар бор. Патрик Робертс, Жорж Эванс ва Ману Гарсия - келажакда жамоамизнинг бир қисмига айланади. Улар туфайли бугун керакли ўзгаришларни амалга оширдик.

Де Брюйне жуда яхши футболчи, Стерлинг ҳам бугун ўзини кўрсатди. Бу икки футболчи "Сити" ўйиничи бўлишга муносиблигини исботлади" - дейди мураббий.