Ўзбекистон U-19 Еревандаги йиғинини якунлади

Арманистон пойтахти Ереван шаҳрида бир ҳафталик ўқув-машғулот йиғинини ўтказган Ўзбекистон U-19 ёшлар терма жамоаси 16 июнь куни Тошкентга қайтиб келди. Эслатиб ўтамиз, Ўзбекистон U-19 ёшлари Ереванда Арманистон U-19 ёшлар терма жамоасига қарши иккита ўртоқлик ўйинида майдонга тушди. Дастлаб, 12 июнь куни ўтказилган ўйинда Ўзбекистон ёшлари 2:0 ҳисобида ғалаба қаозонишган бўлса, 14 июнь куни ўтказилган иккинчи ўйинда 1:1 ҳисоби қайд этилди.

Маълумот учун, Ўзбекистон U-19 ёшлар терма жамоаси бош мураббийи Сергей Лушан 3 июнь куни ўз вазифасидан озод этилган эди. Айни дамда терма жамоага катта мураббий Илҳом Мўминжонв бошчилик қилмоқда. Терма жамоанинг янги бош мураббийи номи яқин кунларда эълон қилинади.

Эслатиб ўтамиз, Ўзбекистон U-19 ёшлар терма жамоаси октябрь ойида Мьянмада ташкил этиладиган ёшлар ўртасидаги Осиё чемпионати баҳсларига тайёргарлик кўрмоқда.