UZ

Сўнгги янгиликлар

01:43Бельгия. "Антверпен" мавсумни дуранг билан бошлади, Ўринбоев майдонга туширилмади  1 01:19"Ювентус" собиқ футболчисини ортга қайтаришни истайди  1 00:55Маунт: "МЮ еврокубокларга қайтиши керак"  0 00:37"Челси" Стерлингни сотишни истайди, бироқ бир муаммо бор  0 00:14"Ньюкасл" Исакни сотмоқчи эмас  1 23:21Ўзбекистон U23 терма жамоаси Японияга қарши ўйин учун тайёргарликни давом эттирмоқда ГАЛЕРЕЯ  0 22:48"Хоразм" "Андижон" ҳимоячисини таркибига қўшиб олди  0 22:31Виктор Гёкереш Лондонга етиб борди  0 22:11"Сўғдиёна" ва "Шўртан" ўртоқлик учрашувида жанговар дуранг қайд этди  0 21:59"Мираброр Усмонов хотира турнири". Саудия Арабистони иккинчи ўйинда ҳам мағлуб бўлди  1 21:26"Хоразм" Аббос Отахоновни таркибига қўшиб олди  1 20:51Диёр Ортиқбоев: "Япониянинг бугунги ўйини бизга қизиқ эмас"  2 20:34Ўртоқлик ўйини. "Динамо" "Витебск"ни мағлубиятга учратди  2 20:12Антонио Конте Стерлингни "Наполи"да кўришни истамоқда  2 19:47"Андижон" тарихда илк бор ОЧЛ 2 да: тайёргарлик, қуръа ва учрашувлар санаси  12

Ўзбекистон U-12 ми ёки "Тошкент U-12"ми? Янгиликлар

Ўзбекистон U-12 ми ёки "Тошкент U-12"ми?

2002 йилдан кейин туғилган болалардан иборат Ўзбекистон U-12 терма жамоаси 5 декабрь куни Малайзияда старт оладиган «Supermokh-2014» халқаро турнирда иштирок этади.
Бу ҳақда Ўзбекистон футбол федерацияси расмий сайти маълум қилмоқда.

Хабардан маълум бўлишича ушбу болалар терма жамоаси гуруҳида Азиз Мирзааҳмедов бош мураббий экан. Бу ҳақда деярли барча бугун маълумотга эга бўлди.

"Ўзбекистон U-12 терма жамоаси футбол академиялари ва мактаблари жамоалари орасидан танлаб олинган 15 нафар футболчи билан мазкур турнирда иштирок этади", - дейилади хабарда.

Агар янги тузилган бу жамоа таркибига назар ташласак таркиб тўлалигича "Пахтакор", "Бунёдкор" ва Тошкентнинг иккинчи лига вакили "Спартак" академиялари болаларидан иборатдир.  Хабарда маълум қилинган Ўзбекистон U-12 терма жамоаси футбол мактаблари ва академиялари орасидан танлаб олинган эмас, Тошкент шаҳридан танлаб олинган болалардан иборатдир.

Таркибга киритилган 15 нафар футболчининг 6 нафари "Пахтакор", 5 нафари "Бунёдкор", 4 нафари "Спартак"  аъзоларидир. Бу клуб академиялари ва футбол мактбларига ҳеч кимда эътироз йўқ. Албатта улар бунга муносибдирлар!

Бизни бошқа масала ўйлантирмоқда. Ўзбекистон болалар терма жамоаси деб эълон қилингандан сўнг вилоятда фаолият олиб бораётган болалар мактаблари ҳам хабардаор бўлиши керак ва ўз номзодларини кўрсатиши керак. Негаки Ўзбекистонда яшаётган ҳар бир ёш футболчи бундай жамоага киришга интилади. Албатта бу Ўзбекистон болалар терма жамоаси бўлгандан сўнг табиий жараёндир.

Ушбу терма жамоанинг бош мураббийи Азиз Мирзааҳмедов бу болаларни қандай салоҳиятига қараб танлагани бизга қоронғу. Шу нарса аниқки, вилоятдаги ҳеч бир футбол академияси ва мураббийлари бундан хабардор ҳам эмас. Қандай қилиб Мирзааҳмедов Ўзбекистон болалар терма жамоасини тузаётган вақтда "Машъал", "Насаф", "Нефтчи" академияларидаги мана шу гуруҳ мураббийларини хабардор қилмади? Ёки биронта футболчини кўрмай туриб қандай қилиб ундан паст савиядаги болани турнирга олиб кетиш мумкин? Албатта бу жамоа  бошқача ном билан турнирда иштирок этганида ҳеч қандай эътироз бўлмас эди лекин айнан Ўзбекистон болалар терма жамоасига киришга барча ўзбекистонлик ёш футболчилар ҳуқуқлидир.

Ўзбекистон номи билан ташкил этиладиган ҳар қандай терма жамоага водий, воҳа клубларидан ҳам футболчилар киришга ҳақли.


Ҳумоюн Давуров
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика