UZ

Сўнгги янгиликлар

14:33Маскерано: "Мен учун Месси – футбол тарихидаги энг яхши футболчи"  3 14:05ФИФА рейтинги янгиланди: Ўзбекистон 55-ўринга кўтарилди  10 13:43"Шўртан" 4 нафар футболчиси билан хайрлашди  1 13:22Милитао: "Реал" учун қаттиқ ишлашда давом этиш муҳим"  5 12:53"Комо" "Манчестер Сити" футболчиси ҳуқуқларига эга чиқиши мумкин  1 12:25"Интер" "Челси" ҳужумчисини сотиб олмоқчи  1 11:57Алонсо Родригонинг захирада қолиб кетаётгани ҳақида: "Гап келажак ҳақида эмас, тактикада"  11 11:28Трамп КЖЧ финалига келади  2 10:55"Интер Майами" ғалаба қозонди, Лионел Месси эса кетма-кет тўртинчи ўйинда дубль қайд этди  19 10:51"Бавария" Бундеслигадаги рақобатчининг асосий футболчисини сотиб олмоқчи  1 10:22Виктор Гёкерешнинг "Арсенал"даги маоши маълум  3 09:53Симоне Индзаги "Ал Ҳилол"да тўрт нафар футболчидан қутилмоқчи  8 09:24"Навбаҳор" ҳужумчиси иккинчи даврани "Хоразм"да бошлаши мумкин  4 08:56Энрике: "Телефоним "Барселона" мухлисларидан келган хабарларга тўла"  16 08:27"Рома" Шомуродовнинг ўрнига АПЛда ўтган мавсум 1 та гол урган футболчи олиб келмоқчи  12

Ўзбекистон - Туркманистон учрашуви ўтган ва яқинда бузиб ташланадиган стадион ҳақида Янгиликлар

Ўзбекистон - Туркманистон учрашуви ўтган ва яқинда бузиб ташланадиган стадион ҳақида

Дубайдаги «Рашид» стадионида Осиё кубоги, 1/8 финалидан ўрин олган Жанубий Корея - Баҳрайн терма жамоалари ўртасидаги ўйин бўлиб ўтди.

Бу ўйин ОАВда батафсил ёритилди, шунинг учун ҳозир бу учрашувга тўхталиб ўтирмаймиз. Биз сизларга «Рашид» стадиони ҳақида сўзламоқчимиз.

«Рашид» стадионида Осиё кубогининг 5та ўйини бўлиб ўтди. Шулардан биттаси ва бизга энг ёққан ўйин Ўзбекистон - Туркманистон (4:0) учрашуви бўлди. Сабаби барчангизга аён, бу стадионда терма жамоамиз ўзининг сўнгги йиллардаги энг йирик ғалабасини расмийлаштирди. Тўғри рақиб кучсиз дейишингиз мумкин, лекин бу Осиё Кубогидан ўрин олган ва биз учун  муҳим учрашув эди.




«Рашид» стадиони Дубай шаҳрининг марказида, мухлислар учун бориш жуда қулай бўлган ҳудудда жойлашган. Дубай метросининг яшил йўналишидан чиқиб «Stadium» бекатида тушсангиз шундоққина стадионнинг ёнгинасидан чиқасиз. Шунингдек стадион ёнида кўплаб араб давлатларида машҳур бўлган «Lulu» гипермаркети жойлашган бўлиб, у ердан ўзингиз истаган харидларни ҳам амалга оширишингиз мумкин бўлади.



«Рашид» стадиони 1948 йилда қурилган бўлиб, Дубайнинг «Шабаб Ал Аҳли» жамоаси уй ўйинларини ўтказадиган стадион ҳисобланади.

ОФК мутассаддилари Осиё Кубоги-2019 учун бу стадионни танлашганда, мезбонлар бу стадионни бузилади дейишган экан. Лекин ОФК мутахассисларига стадион маъқул бўлгани сабабли, бузиш бироз кейинроққа сурилди. ОФК талабига  биноан стадионда ўзгаришлар амалга оширилган. Хусусан стадионнинг ҳар икки дарвозалари ортидаги трибуналар қўшимча, вақтинчалик ўриндиқлар ўрнатилиб, стадион сиғими 12 000 томошабингача оширилди.



Шунингдек стадион рўпарасида жойлашган «Lulu» гипермаркетига телекамералар нигоҳи тушиб қолмаслиги учун, маҳсус, вақтинчалик конструкция барпо қилинган. Бунга гипермаркет билан реклама шартномаси йўқлиги сабаб бўлган. Стадионга борган мухлислар, юқори мартабали (VIP) меҳмонлар  ва ОАВ ходимлари учун шароитлар аъло даражада эканлигига гувоҳ бўлишди. Очиғи биз бу стадионни ҳавас қилдик. Мўжазгина стадион жаҳон стандартлари талаби даражасида Осиё Кубоги ўйинларини ўтказди.

Афсуски мезбонларнинг бизга маълум қилишларича энди «Рашид» стадиони бузилиб ўрнига, ҳашаматли савдо маркази қурилар экан.

Нима ҳам деймиз, терма жамоамиз йирик ҳисобда ғалаба қозонган ва биз учун қадрдон бўлиб қолган стадион билан хайрлашамиз.

Балки арабларнинг фикри ўзгариб, стадионни бузишмас...



Акрамжон Мамадалиев, Дубайдан маҳсус.

Рейтинг: +1   

Фикрлар

championat.asia
< сўнгги янгиликларни кўриш
Яндекс.Метрика