Ўзбекистон ўсмирлар терма жамоаси Словакия билан ўртоқлик учрашувида дуранг ўйнади
31 авг 2016 09:54
Янгиликлар

Ўзбекистон ўсмирлар терма жамоаси Словакия билан ўртоқлик учрашувида дуранг ўйнади

Теглар : Ўсмирлар

Шу йилнинг 15 сентябрь – 2 октябрь саналари давомида Ҳиндистоннинг Гоа шаҳрида бўлиб ўтадиган ўсмирлар ўртасидаги Осиё чемпионатига тайёргарлик кўраётган Ўзбекистон U-16 терма жамоаси Словакияга қарши ўртоқлик учрашуви ўтказди.

Қитъа биринчилигига тайёргарлик жараёнининг сўнгги босқичларидан бирини Миява шаҳрида ўтказаётган Темур Олимхўжаев бошчилигидлаги жамоа 30 август куни Словакия ўсмирлар терма жамоасига қарши биринчи ўртоқлик учрашувини ўтказиб, 1:1 ҳисобида дуранг ўйнади.

Ўзбекистон U-16 терма жамоаси учрашувнинг 21-дақиқасида ҳисобни очди. Биринчи бўлим ниҳоясига яқин, ўйиннинг 39-дақиқасида эса европаликлар ҳисобни тенглаштирди. Иккинчи бўлимда эса дарвозалар даҳлсизлиги сақланиб қолинди – 1:1.

Таъкидлаш керакки, жамоалар ўзаро иккита ўртоқлик учаршуви ўтказиш борасида келишувга эришган. Иккинчи учаршув 1 сентябрда ўтказилади. Ўзбекистон ўсмирлар терма жамоаси Тошкентга 3 сентябрда қайтиб келади ва бир ҳафталик ўқув-машғулот йиғинлари олиб бориб, 9 сентябрь куни Ҳиндистонга йўл олади.

Эслатиб ўтамиз, Ўзбекистон ўсмирлар терма жамоаси Осиё чемпионати финал босқичида КХДР, Таиланд ҳамда Яман ўсмирлар терма жамоалари билан бир гуруҳдан ўрин олган.

Ҳавола :

Манба : the-uff.com

Янгиликларни Телеграмда ўқинг!

Рейтинг: +7