Ўзбекистон МТЖ Panini билан ҳамкорлик қилади
06 сен 16:35
Янгиликлар
Ўзбекистон МТЖ Panini билан ҳамкорлик қилади
Тарихда илк бор Ўзбекистон миллий терма жамоаси Panini'нинг жаҳон миқёсида машҳур стикер албомидан жой олади.
Италиянинг Panini компанияси бугунги кунда спорт коллекциялари, нашриёт ва савдо карточкалари соҳасида дунё етакчиси ҳисобланади. Компания 1970 йилдан бери ФИФА билан биргаликда Жаҳон чемпионатига бағишлаб футбол ихлосмандлари учун серияли коллекциялар тақдим этиб келмоқда. Бугунги кунда Panini ФИФА, УEФА, NBA, NFL ҳамда дунёнинг етакчи футбол ассоциациялари ва клублари билан фаолият олиб боради.
"Бу ҳамкорлик Ўзбекистон футболи имижини мустаҳкамлаш нуқтаи назаридан ҳам катта аҳамиятга эга. Panini расмий коллекциясидан жой олиш юртимиз футболининг йиллар давомида босиб ўтган ривожланиш йўлига жуда мос эътирофдир. Бу бутун дунёга ўзбек футболининг жаҳон миқёсида ўз ўрнини топиб бораётганлигини кўрсатади", – деди ЎФА биринчи вице-президенти Равшан Эрматов.
Шуни алоҳида таъкидлаш керакки, миллий жамоа Panini билан фаолият олиб борадиган Марказий Осиёдаги биринчи жамоага айланади. Йиллар давомида бутун дунё футбол ишқибозлари томонидан севиб йиғилган Panini албоми эндиликда терма жамоамиз ва миллатимиз руҳини акс эттиради.
Ўхшаш янгиликлар
championat.asia
U-17 Жаҳон чемпионати. Ўзбекистон ўсмирлар терма жамоаси илк турда Парагвайни мағлуб этиб, мусобақани ғалаба билан бошлади
Суперлига. "Бухоро" ўз уйида бир киши кам "Нефтчи"дан очко тортиб олди
ЕЧЛ. "Ливерпуль" ўз уйида "Реал Мадрид"ни мағлубиятга учратди
ОЧЛ-2. "Андижон" кетма-кет тўртинчи марта 0:0 ҳисобида дуранг ўйнади
Фикрлар
man bilmasdim.