Ўзбекистон - Аргентина. Чипта нархи қанча?
31 янв 2021 12:54
Янгиликлар

Ўзбекистон - Аргентина. Чипта нархи қанча?

2 ва 3 февраль кунлари "Ўзбекистон" спорт мажмуасида амалдаги Жаҳон чемпиони - Аргентина футзал терма жамоаси Ўзбекистон терма жамоаси билан иккита ўртоқлик учрашуви ўтказади.

Ушбу ўйинлар учун чипталарни iticket сайтидан онлайн харид қилиш мумкин. Чипталар уч хил категорияда чиқарилган бўлиб секторга қараб 50000, 65000 ва 100000 сўмдан сотилмоқда.

Юқоридаги суратда кўк рангдаги секторлар учун чипталар (дарвозалар орти) 50 минг сўмдан, яшил рангдаги секторлар 65 минг сўмдан (247 ўринлик "H" сектори учун чипталар умуман сотилмаяпти), оловранг марказий секторлар учун чипталар 100 минг сўмдан сотилмоқда.

"Ўзбекистон" спорт саройи ўз бағрига 2400 нафар томошабинни сиғдира олади. Championat.asia сайти маълумотига кўра, учрашувдан олдин ўша машҳур "Саҳар" гуруҳи яккахони Анвар Жўраев мухлислар учун ажойиб қўшиқлар гулдастасини тақдим этади. Бундан ташқари юртимиздаги футзал мусобақаларида ҳали бўлмаган лазер шоу ҳам намойиш этилади. Танаффус вақтида эса мухлисларни барабанлар шоуси кутмоқда.

Эслатиб ўтамиз, Ўзбекистон ва Аргентина ўртасидаги ўртоқлик ўйинлари 2 ва 3 февраль кунлари соат 18:30да бошланади.

Ҳавола :

Манба : championat.asia

Янгиликларни Телеграмда ўқинг!

Рейтинг: -36