Охирги учрашувини икки йил аввал ўтказган Кариус Англия лига кубоги финалида майдонга туширилди
27 фев 2023 01:17
Янгиликлар

Охирги учрашувини икки йил аввал ўтказган Кариус Англия лига кубоги финалида майдонга туширилди

Лорис Кариус икки йилдан сўнг илк бор майдонга тушди.

"Ньюкасл" дарвозабони "Манчестер Юнайтед"га қарши Англия лига кубоги финалида асосий таркибдан жой олди.

Шу тариқа, немис футболчиси 2021 йилнинг 28 февралидан бери илк бор расмий ўйинда майдонга тушади – ўшанда Лорис “Унион Берлин” сафида “Хоффенхайм”га (1:0) қарши баҳсда иштирок этганди. Шундан бери орадан 728 кун у майдон юзини кўрмади.

Кариус "Ньюкасл"нинг биринчи ва иккинчи дарвозабони йўқлиги учун асосий таркибдан жой эгаллади, Ник Попе дисквалификацион жазони ўтамоқда, Мартин Дубравка эса ушбу Лига кубогида "Манчестер Юнайтед" сафида майдонга тушган, шу сабабли у ҳам майдонга туша олмади.

Мазкур баҳсда "Манчестер Юнайтед" вакиллари Кариус дарвозасига жавобсиз иккита тўп киритиб, лига кубоги соҳибига айланди.

Ҳавола :

Янгиликларни Телеграмда ўқинг!

Рейтинг: +3