Осиё Кубоги-2019. "C" гуруҳи мураббийлари
28 ноя 2018 11:52
Янгиликлар

Осиё Кубоги-2019. "C" гуруҳи мураббийлари

Теглар : Бош мураббийлар Осиё кубоги-2019

БААда бўлиб ўтадиган Осиё Кубоги-2019 мусобақасига борган сари кам вақт қоляпти.

Қуйида "C" гуруҳи жамоаларини бошқараётган мураббийлар ҳақида қисқача маълумот келтириб ўтамиз.

"C" гуруҳи - Жанубий Корея, Хитой, Филиппин, Қирғизистон.

Паулу Бенту (Ж.Корея бош мураббийи)
Туғилган санаси: 20 июнь, 1969 й.

Жаҳон чемпионатидан сўнг Жанубий Корея терма жамоасини Паулу Бенту қабул қилиб олди. 49 ёшли португалиялик мураббий қўл остида кореяликлар мусобақага анча жиддий тайёргарлик кўришмоқда. Унинг бошчилигида Корея термаси 6та ўйин ўтказиб ҳали мағлуб бўлмади.

Марчелло Липпи (Хитой бош мураббийи)
Туғилган санаси: 12 апрель, 1948 й.

Марчелло Липпини ортиқча таништириб ўтишга ҳожат йўқ. 70 ёшли мураббийни каттаю кичик яхши билади. 2006 йил Италия термаси билан жаҳон чемпиони бўлган мутахассис ҳозирда Хитойни бошқармоқда. У 2006 йилдан буён хитойликлар устози саналади.

Свен-Горан Эрикссон (Филиппин бош мураббийи)
Туғилган санаси: 5 февраль, 1948 й.

Машҳур швециялик мураббий Свен-Горан Эрикссон яқинда Филиппин терма жамоасини қабул қилиб олди. Унинг мақсади бу жамоа билан Осиё Кубогида имкон қадар муваффақиятли иштирок этиш. 70 ёшли мураббий ўз вақтида Англия терма жамоасини ҳам бошқарган.

Александр Крестинин (Қирғизистон бош мураббийи)
Туғилган санаси: 19 сентябрь, 1978 й.

Қирғизистон терма жамоасини россиялик мураббий бошқаряпти. 40 ёшли Александр Крестинин қирғизларнинг тарихда илк бор Осиё Кубогига чиқишида муҳим ҳисса қўшди. У 2014 йилдан бери терма жамоа бош мураббийи ҳисобланади.