Осиё Кубоги-2019. "А" гуруҳи мураббийлари
26 ноя 2018 21:02
Янгиликлар

Осиё Кубоги-2019. "А" гуруҳи мураббийлари

Теглар : Бош мураббийлар Осиё кубоги-2019

БААда бўлиб ўтадиган навбатдаги Осиё Кубогига 40 кун қолди.

Ушбу мусобақа мураббийлар учун ҳам катта аҳамиятга эга бўлади. Қуйида "А" гуруҳи жамоаларини бошқараётган мураббийлар ҳақида қисқача маълумот бериб ўтамиз.

"А" гуруҳи - БАА, Таиланд, Ҳиндистон, Баҳрайн.

Альберто Заккерони (БАА бош мураббийи)
Туғилган санаси: 1 апрель, 1953 й.

БАА терма жамоасини 65 ёшли Альберто Заккерони бошқармоқда. Ушбу мураббий қўл остида Япония терма жамоаси 2011 йилги Осиё Кубогида зафар қучган. Эндиликда Заккерони БАА билан ҳам шундай натижани такрорлашга уриниб кўради.

Милован Райевац (Таиланд бош мураббийи)
Туғилган санаси: 2 январь, 1954 й.

64 ёшли сербиялик мутахассис 2017 йилнинг апрель ойидан бери Таиланд терма жамоасини бошқариб келяпти. Бу йил ушбу мураббий жамоани АФФ (АСЕАН футбол федерациялари) чемпионатида ярим финалга олиб чиқди.

Стефен Константин (Ҳиндистон бош мураббийи)
Туғилган санаси: 16 октябрь, 1962 й.

Ҳиндистон терма жамоасини қитъа биринчилигига англиялик мутахассис тайёрламоқда. 56 ёшли Константин 2002-2005 йиллар оралиғида ҳам ҳиндларни бошқарган.

Мирослав Соукоп (Баҳрайн бош мураббийи)
Туғилган санаси: 13 ноябрь, 1965 й.

Чехиялик Мирослав Соукоп ҳозирда Баҳрайн терма жамоаси устози ҳисобланади. У 2016 йилнинг июнь ойида жамоани қабул қилиб олганди. Бунгача эса Яман терма жамоасига устозлик қилган.