Режага кўра, бугун тушдан сўнг футболчилар жамоа базасида жам бўлишади. Кечки пайт эса, икки томонлама ўйин ўтказилиши режалаштирилган. “Оқ-тепа”ни танаффус вақтида бир нечта футболчи тарк этишга улгурди. Уларнинг ўрни янгилар билан тўлдирилиши кўзда тутилган. Бу ҳақида эртага расман маълумот берамиз.
Айтиш керак, “Оқ-тепа” 22 июль куни “Андижон”га қарши назорат учрашувида майдонга тушади. 23 июль куни эрталаб тайёргарликнинг навбатдаги босқичига киришилади. Яъни, жамоамиз пойтахт вилоятининг тоғли ҳудудига йўл олади ва у ерда беш кунлик йиғин ўтказади.