UZ

Сўнгги янгиликлар

07:31Про лига. Бугун турнинг марказий учрашуви бўлиб ўтади  0 00:30Киммих фаолиятини "Сити", "Ливерпуль", "Арсенал", "Реал" ёки "Барса"да давом эттирмоқчи  2 23:45Гризманн 2017 йилдан бери илк марта Франция терма жамоаси ўйинларини ўтказиб юборади  3 23:10"Ливерпуль" ҳужумчиси март ойида терма жамоасига ёрдам бера олмайди  0 22:47"Ювентус" катта товон пулидан қўрқиб, Аллегри билан хайрлашмоқчи эмас  3 22:09Ўзбекистон Суперкубогида ишлайдиган ҳакамлар номи эълон қилинди  0 21:29Португалия терма жамоаси Евро-2024да фойдаланадиган либослар намойиш этилди  2 21:16Бруну Фернандеш: "Қоидани ўзгартириш керак"  2 20:48АПЛ клубидан 4 очко олиб ташланди  8 19:52"Ливерпуль" Мусиалани сотиб олмоқчи  4 19:25Ачерби ирқчилик можароси туфайли Италия терма жамоаси ихтиёрини тарк этди  2 18:59"Ювентус" Аллегри ўрнига 3 нафар номзодни кўриб чиқмоқда  5 18:30"Бернарду Силванинг "Сити"да қолишини истаймиз" — Гвардиола  1 17:59Азиз Амонов: "Осиё Кубогида майдонга тушмадим? Биз майдонга тушсак ҳам, тушмасак ҳам бир жамоамиз. Асосийси – жамоа ғалабаси"  4 17:32Ўзимизнинг карикатура. Темирйўлларда "қонли қотиллик"  7

Олий лига. 7-тур рамзий терма жамоаси Янгиликлар

Олий лига. 7-тур рамзий терма жамоаси

20-22 апрель кунлари олий лигада 7-тур баҳслари бўлиб ўтди. Одатга кўра тур рамзий терма жамоасини тузиб чиқдик.

Олий лигани муваффақиятсиз бошлаган "Нефтчи" ниҳоят мавсумдаги илк ғалабасини қўлга киритди. Фарғоналиклар Жиззахда "Сўғдиёна" меҳмони бўлиб 1:0 ҳисобида зафар қучишди. Бу ғалабада "Нефтчи" посбони Абдумавлон Абдужалиловнинг хиссаси катта бўлди. Рақибнинг бир қатор хавфли зарбаларини қайтаришга эришган Абдужалилов рамзий терма жамоадан ўрин олди.



"Бухоро"нинг легионер ҳимоячиси Владимир Баенко "Машъал" билан баҳсда анчагина яхши ҳаракат қилди. Ҳимояда ишончли ўйнашдан ташқари рақиб дарвозасини ишғол қилишга ҳам эришди.



"Қизилқум" бу турни сафарда ўтказди. "Олмалиқ" билан учрашувда ўнг қанот ҳимоясида ўйнаган Шерали Жўраев тезкор ҳаракатлари ва дриблинглари билан жамоасига фойда келтирди. Натижада навоийликлар сафардан бир очко билан қайтишди.



Шу баҳсда мезбонлар сафида Абдуқаҳҳор Хожиакбаров ҳам фаол бўлди. Ўнг қанот ҳимоячиси ўз қанотида жуда тезкор ҳаракат қилди ва жамоадошларини бир неча марта голли вазиятларга чиқарди.



Аслида "Бунёдкор"га тегишли бўлган Жавоҳир Қаҳрамонов мавсумни ажойиб тарзда бошлади. "Динамо"да ижарада ўйнаётган Қаҳрамонов "қалдирғочлар" билан ўйинда жуда яхши ўйнади. Жамоасининг ягона голига ҳам айнан Жавоҳир муаллифлик қилгани қизиқ ҳолат бўлди.



"Қўқон-1912" вакили Суҳроб Бердиев тур қаҳрамони бўлди десак янглишмаймиз. Сабаби Бердиев "Металлург" билан учрашувда бу мавсумда олий лигада хет-трик қайд этган биринчи футболчига айланди.



"Навбаҳор" бу турни ўз уйида "Шўртан"га қарши ўйнади. Ўтган турларда "Локомотив" ва "Пахтакор"ни мағлуб этган ғузорликлар билан баҳс шиддатли кечди. Учрашув тақдирини ҳал қилган ягона голга мезбонлар ярим ҳимоячиси Ойбек Қиличев муаллифлик қилди.



"Машъал" 7-турда Бухорода "Бухоро" меҳмони бўлди. 2:2 ҳисобида якунланган жанговор баҳсда меҳмонлар сардори Зафар Тўраев доимгидек фаол ўйнади ва ўз ҳисобига гол ёзиб қўйди.



Турнинг марказий баҳсида "Локомотив" "Пахтакор"ни мағлуб этишга эришди. Дербида "темирйўлчилар" ярим ҳимоячиси Икром Алибоев жуда ҳам яхши ўйнади. Алдамчи ҳаракатлари, чиройли тўп узатишлари ва самарали ҳаракатлари билан жамоасига фойда келтирган Икром рамзий термага киритилди.



"Локомотив" ҳужумчиси Марат Бикмаев "шерлар" билан ўйинда дублга эришиб жамоаси ғалабасига замин яратди. Бикмаев олий лигада 7та гол билан чемпионат тўпурари бўлиб турибди.



"Насаф" сафида "Обод" билан ўйинда гол урган Драган Черан рамзий терма жамоага киритилди. Легионер ҳужумчининг голи "аждарлар"га 3 очко келтирди.


Championat.asia талқинига кўра олий лиганинг 7-тури рамзий терма жамоаси


Дарвозабон
Абдумавлон Абдужалилов "Нефтчи"

Ҳимоячилар
Владимир Баенко "Бухоро"
Шерали Жўраев "Қизилқум"
Абдуқаҳҳор Хожиакбаров "Олмалиқ"

Ярим ҳимоячилар
Жавоҳир Қаҳрамонов "Динамо"
Суҳроб Бердиев "Қўқон-1912"
Ойбек Қиличев "Навбаҳор"
Зафар Тўраев "Машъал"
Икром Алибоев "Локомотив"

Ҳужумчилар
Марат Бикмаев "Локомотив"
Драган Черан "Насаф"



Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика