Олег Тюлькин: "Андижон"нинг асосий вазифаси - Олий лигада қолиш"
12 мар 2015 23:19
Янгиликлар
![](https://championat.asia/upload/storage/165257_original.jpg)
![](/upload/storage/165257_220.jpg)
Олег Тюлькин: "Андижон"нинг асосий вазифаси - Олий лигада қолиш"
"Насаф"ни ғалаба билан табриклайман. Ўйин ҳақида гапирадиган бўлсам, биринчи бўлимда кутилганидек ўйнай олмадик. Иккинчи таймда футболчилар бироз ўзларига келиб олишди ва ўйин қизиқарли кечди. Биз янги жамоани тузяпмиз ва бунинг учун албатта вақт керак. Ғалабали одимларимиз ҳали олдинда деб ўйлайман", - дея гап бошлади клубнинг катта мураббийи Олег Тюлькин.
- "Насаф"нинг ўйинини ўрганиш жараёни қандай кечди?
- Биз "Насаф"нинг учта учрашуви ёзилган дискни кўриб чиқиб, рақибни ўргангандик. Иккита ушбу мавсумдаги ОЧЛ доирасидаги ўйинлари ва битта ўтган мавсумдаги беллашувни кўриб чиққандик. "Насаф"нинг таркиби кўп йиллардан буён бирга ва уларда ўйин ўзаги сақланиб турибди. Бугунги баҳсда бизга жуда қийин бўлди.
- Нега учрашув қайдномасида ҳам Эдгар Гесс қўл қўймаган ва матбуот анжуманида ҳам йўқ?
- Бу ерда кичик бир хатолик бўлиб ўтди. Биз мавсум олдидан келишилган ўйинларда иштирок этмаслик борасидаги қоғозга қўй қўйишимиз керак бўлган пайтда Эдгар Яковлевич клуб қароргоҳида эмас эди. Шу боис Эдгар Гессга керакли лицензияни беришмади. Бу муаммони ҳам яқин вақт ичида ҳал этамиз деб ўйлайман.
- "Андижон" олдига бу йилги мавсумда қандай вазифа қўйилган?
- Ушбу мавсумда Олий лигада қолиш асосий вазифа этиб қўйилди.
"Насаф" клуби матбуот хизмати билан ҳамкорликда тайёрланди.
![AMP Logo](https://championat.asia/image/logo-amp.png)
Фикрлар