Обид Жўрабоев: “Бугун ғалаба қозонишга ҳаракат қиламиз”

“Олий лигада қолиш учун кураш олиб боряпмиз. Шунинг учун ҳар бир очко олтинга тенг. Уйимизда бўлган бир нечта ўйинларда мағлубиятга учрадик. “Қизилқум”га қарши ҳар томонлама пухта тайёргарлик кўрдик. Бугунги рақибимиз чемпионатимиздаги кучли жамоалардан бири ҳисобланади. Улар иккинчи даврада таркибини анча яхшилаб олган. Нима бўлишидан қатъий назар, бугун ғалаба қозонишга ҳаракат қиламиз. Бундан буёғига “жонга жон, қонга қон”. Ҳозирги вазиятимиз оғир. “Қўқон-1912” биздан 1 очко ўтиб кетди. “Обод” ҳам етиб олди. Бугун ғалабага эришсак вазиятимиз яхшиланарди. Кейинги турда сафарда “Шўртан” меҳмони бўламиз. Ушбу учрашувда ҳам очко олсак турнир рейтингида ўз ўрнимизни янада яхшилаб олардик. “Қизилқум”да бўйдор футболчилар кўп. Шунинг учун ҳимоявий ўйин кўрсатсак керак. Рақибимиз қарши ҳужумда яхши ўйнайди”, - дейди “Андижон” клуби футболчиси Обид Жўрабоев.

Жаҳонгир Сотволдиев