20 мар 17:46
Янгиликлар

Нукусда қорақалпоғистонлик футзал мураббийлари учун ўқув курси ташкил этилди

Мамлакатимизда Ўзбекистон футбол федерацияси ҳамда Осиё футбол конфедерацияси ҳамкорлигида футзал мураббийларининг малакасини ошириш мақсадида ўқув курслари ўтказиб келинаётир.

Жумладан, жорий йилнинг 10–15 март кунлари Қорақалпоғистон Республикасида футзал мураббийлари учун ОФКнинг “Level-1” дастури бўйича беш кунлик халқаро ўқув курси ташкил этилди. Нукус олимпия захиралари коллежи базасида олиб борилган назарий ва амалий машғулотлар жараёнида жами 19 нафар, шундан Нукус шаҳридан 13 нафар, Хўжайли туманидан 3 нафар, Нукус, Кегейли ва Қораўзак туманларидан бир нафардан мураббий таҳсил олди.

Мазкур курс ишини ОФК инструктори Аваз Мақсумов бошқариб борди. Ўз навбатида унга “Level-2” лицензиясига эга бўлган О. Жалимов(Нукус) ва К. Хромов(Тошкент) ассистентлик вазифасини ўтади.

Қорақалпоғистон Республикаси футбол федерациясининг биринчи вице президенти В. Назаровнинг таъкидлашича, эндиликда “Level-1” лицензиясини қўлга киритган мураббийлар “Level-2” ва “Level-3” даражалари учун ўқишни давом эттириши мумкин.

Икром ХУДОЙБЕРГАНОВ.

Ҳавола :

Манба : championat.asia

Энди янгиликлар телефонингизга келади. Телеграмдаги каналимизга улансангиз бўлгани.

Рейтинг: