Миср ўз тарихида тўртинчи бор Жаҳон чемпионати йўлланмасини қўлга киритди

Миср терма жамоаси Жаҳон чемпионатига йўлланма олди. Ҳуссам Ҳассан бошчилигидаги жамоа бугун саралаш босқичида Жибути термасини йирик ҳисобда (3:0) мағлуб этди ва Америкада ўтказиладиган турнирда қатнашиш ҳуқуқини қўлга киритди. Салоҳ бошчилигидаги жамоа масалани охирги турдан олдин ҳал қилишди. Миср тарихда тўртинчи марта жаҳон чемпионатида иштирок этади. Аввалги чиқишлари 1934, 1990 ва 2018 йилларда бўлган эди. Муҳаммад Салоҳ учун эса ушбу Жаҳон чемпионати иккинчиси бўлади.