Нодир Элибоев: "Бизнинг мухлислар энг зўри!"
21 фев 2016 21:44
Янгиликлар

Нодир Элибоев: "Бизнинг мухлислар энг зўри!"

Терма жамоамиз футзалчиси Нодир Элибоев финал ўйинидан сўнг ўз фикрлари билан ўртоқлашди.

"Ўйинга ғалаба учун чиққандик. Чунки, олдимизда Осиё Чемпионлиги турганди. Эрон кучли жамоа эканлигига қарамасдан олдимизда фақат ғалаба қозониш вазифаси турганди. Олтин медалларни кўзлагандик. Иккита хато оқибатида голлар қўйиб юбордик. Кейин бутун ўйин давомида ҳисобни тенглаштиришга ҳаракат қилдик. Эронни чемпионлик билан табриклайман.

Мухлислар? Бу борада таъриф бера олмайман. Бунинг учун сиз ўзингиз майдонга тушиб ўйнашингиз лозим. Ўшанда бунинг нима эканлигини тушунасиз. Бу унутиб бўлмайдиган лаҳзалар. Футболчиларнинг барчаси менимча фақат улар учун ўйнашади. Улар бизга катта куч бағишлади. Уларга каттадан катта раҳмат. Бизнинг мухлисларимиз дунёдаги энг яхшилари", - дейди Нодир Элибоев.