Неймар ёки Бензема?
10 мар 2022 05:39
Янгиликлар

Неймар ёки Бензема?

Бутун дунё Украинадаги воқеаларни ҳаёжон билан кузатаётган тунларнинг бири. Францияда тарбия топган жазоирлик йигит 17 дақиқа ичида "Париж"ни маҳв этди.

Реал Мадрид

Карим Бензема - 61', Карим Бензема - 76', Карим Бензема - 78'

Лига Чемпионов УЕФА. Плей-офф . 1/8-тур

10/03/2022, 01:00

Тугади

ПСЖ

Килиан Мбаппе - 39'

Стадион: Estadio Santiago Bernabeu, 59895 томошабин

Бош ҳакам: Danny Makkelie

45'

90'

Матч-центрда очиш

"Пари Сен-Жермен" "Барса"дан Мессини, "Реал"дан Рамосни тортиб олса ҳам, Хелайфи азалий орзусига қовуша олмади. Биз эса кечанинг асосий қаҳрамонига эътибор қаратамиз.

Бензема билан катта йўлга чиққан Самир Насри, Хатем Бен Арфа ва Жереми Менез сингари "вундеркинд"лар аллақачон "нафақахўр" бўлишди. Карим эса Мадриднинг "янги қирол"и айланди.

2009 йилда "Қироллик клуби" нидерландияликлардан (Роббен, Хунтелар, Снейдер, ван дер Варт) воз кечиб, катта трансферларга қўл урди. Роналду (МЮ), Кака ("Милан"), Алонсо ("Ливерпуль") ва Бензема ("Лион") харид қилинди. Бошқалар кетди, франциялик форвард эса 13 йилдан бери қаймоқрангли либос билан ўйнаяпти.

2009 йилги таркибдан фақат 2 нафар футболчи ҳамон "Реал" учун ўйнаяпти (Марсело ва Бензема).

Карим келганидан кейин Руд ван Нистелрой, Эммануэль Адебайор, Гонсало Игуваин, Чичарито ва Алваро Мората Мадриддан кетишга мажбур бўлди.

Фернандо Йерро, Рауль Гонсалес, Икер Касильяс ва Серхио Рамосдан кейин "Реал"нинг сардорига айланди.

2016-17 йилги мавсумда Моратадан 2 ҳисса кўпроқ ўйин амалиётига эга бўлса ҳам, испанга нисбатан камроқ тўп киритди. Роналдунинг Мадриддаги охирги мавсумида эса Ла Лигада атиги 5 та гол урди. Ана шу замонда жамоанинг кўплаб мухлислари Бенземанинг тезроқ кетказилишини хоҳлашган эди.

У 9 йил давомида Роналдунинг соясида қолди. Ҳеч эътироз билдирмай 2-рақамли одам вазифасини бажариб келди. Криштану кетганидан кейин эса...

Шу ўринда кишининг хаёлига беихтиёр Неймар келади. Мессининг соясида қолишдан қўрқиб, Парижга кетган бразилиялик футболчи бугун Лео билан биргаликда Бенземаси бор "Реал" қаршисида ожиз қолди...