Неймар ПСЖ устидан қозонилган ғалабадан сўнг Рабьо ва Курзава устидан кулди
10 мар 2017 15:31
Янгиликлар

Неймар ПСЖ устидан қозонилган ғалабадан сўнг Рабьо ва Курзава устидан кулди

"Барселона" Чемпионлар лигаси 1/8 финал жавоб учрашувида ПСЖни керакли ҳисобда мағлуб этиб (6:1) чорак финал йўлланмасига эга бўлди.

Адриен Рабьо 1/8 финал илк учрашувидан сўнг кийниш хонасида жамоадоши Лейвин Курзава билан тушган суратини "Инстаграм"га жойлади ва унда Рабьо бармоғлари билан 4, Курзава эса 2 рақамини кўрсатиб туришган эди.

Жавоб баҳсида 2 та гол урган Неймар ушбу йигитлар устидан кулишга қарор қилди ва рақиб жамоа футболчилари тушган суратга 4+2=6 ёзувини қўшиб қўйди ва бу расмни ижтимоий тармоқдаги саҳифасига жойлади.