Неъманья Йованович: "Агар барча ҳужумлардан гол урганимда "Реал"да ўйнаётган бўлар эдим"

Ушбу баҳс олдидан “Андижон” жамоаси  хужумчиси, сербиялик легионер Неъманья Йованович ўз фикрлари билан ўртоқлашди.

- Бўлажак ўйин ҳақида фикрингиз?
- “Бунёдкор ” жуда кучли жамоа. Ўзбекистондаги энг кучли жамоалардан бири десам ҳам адашмаган бўлар эдим. Бу жамоанинг футболчилари ўйинни хал этувчи кучга эга. Аммо бу футбол ва унда кутилмаган ходисалар ҳам бўлиши ҳеч гап эмас. Учрашувни ўз фойдамизга хал этишга харакат қиламиз.

- “Андижон ” жамоасининг бир қанча ўйинлари омадсиз якун топмоқда. Бунга қандай изоҳ берган бўлар эдингиз?
- Юқорида айтиб ўтганимдек, бу футбол.  Ғалабага бўлган кучли иштиёқ, чиройли ўйин, гуёки ҳаммаси яхши аммо голларни ўтказиб юбормоқдамиз. Вазиятлардан унумли фойдалана олмаяпмиз. Бу ҳаммаси омад етишмаслигидан деб ўйлайман. Бўлажак ўйинга яхши тайёргарлик кўрдик. Интенсив машғулотлар ва умидимиз сўнмаган. Учрашувни юқори кайфият билан тугатамиз деган умиддаман.

- Охирги уйинлардан кейин мухлислар “Андижон ” жамоаси асосан Йованович орқали ўйин ташкил этади. Барча футболчи ҳаво орқали тўпни Неманьяга узатади аммо хужум гол билан якун топмаяпти деган фикрлар билдирмоқда. Бунга мунособатингиз?
- Мухлисларнинг фикрини доимо ҳурмат қиламан. Мухлислар гол бўлишини истаса, ишонинг мен буни икки карра кўпроқ хоҳлайман. Аммо майдондаги харакат ва босим, омад ҳам катта рол ўйнайди. Ўзимга келадиган бўлсак, мен жудаям гол уришни хоҳлайман. Агарда барча ҳужумлар гол билан якун топганида мен ҳозир Ўзбекистонда эмас "Реал Мадрид"да ўйнаган бўлар эдим.

Дилдора Холбоева суҳбатлашди