"Навбаҳор": Ёшларимиз Дўрмонов шогирдлари билан дуранг ўйнашди

Аввал хабар берганимиздек, ёшларимиз юзага келган танаффусда ўйин амалиётини сақлаб туриш мақсадида назорат учрашувларида майдонга тушишмоқда. Олдинги гал ёшларимиз биринчи лига вакили “Косонсой” билан баҳс олиб боришганди. Бу сафар футболчиларимизга биринчи лиганинг яна бир жамоаси Уйчининг “Хотира-79” рақиблик қилди. Уйчида бўлиб ўтган ўйинда 2:2 ҳисобидаги дуранг кузатилди. Ёшларимизнинг голларига Илҳом Алибоев ва Акбарали Холдоровлар муаллифлик қилишди. Шу ўринда, “Хотира-79” жамоасида мухлисларимизга яхши таниш бўлган Рустам Дўрмоновни мураббий сифатида иш бошлаганлигини қўшимча қилиш жоиз. Фаолияти давомида “Навбаҳор”да ҳам тўп суришга улгурган Дўрмонов эндиликда Уйчида иш юритадиган бўлди.